ജിദ്ദ: കെ.എം.സി.സി ജിദ്ദ കടലുണ്ടി പഞ്ചായത്ത് കമ്മിറ്റിക്ക് പുതിയ നേതൃത്വം നിലവിൽ വന്നു. ഷറഫിയയിൽ ചേർന്ന യോഗം ജിദ്ദ കെ.എം.സി.സി കോഴിക്കോട് ജില്ല കമ്മിറ്റി ജനറൽ സെക്രട്ടറി സൈനുൽ ആബിദീൻ ഉദ്ഘാടനം ചെയ്തു. സുൽഫിക്കർ ചാലിയം അധ്യക്ഷത വഹിച്ചു.
ഹംസ മണ്ണൂർ പ്രവർത്തന റിപ്പോർട്ട് അവതരിപ്പിച്ചു. പുതിയ ഭാരവാഹികളായി അമീൻ ചാലിയം (പ്രസിഡന്റ്), നജ്മുദ്ദീൻ വയലിലകത്ത് (ജനറൽ സെക്രട്ടറി), എം.കെ.അബ്ദുൽ റഹ്മാൻ (ട്രഷറർ), സുൽഫിക്കർ ചാലിയം (ഉപദേശക സമിതി ചെയർമാൻ), മജീദ് വടക്കുമ്പാട്, നാസർ കെ.ടി.ചാലിയം, മുഹാജിർ കുന്നത്ത് (വൈസ് പ്രസി.), മുഷ്താഖ് അഹമ്മദ്, അമൻ അയൂബ്, ജുനൈദ് കുറ്റിയിൽ (സെക്രട്ടറി) എന്നിവരെ തെരഞ്ഞെടുത്തു.
ബേപ്പൂർ മണ്ഡലം ജനറൽ സെക്രട്ടറി ഫൈസൽ മണലൊടി തെരഞ്ഞെടുപ്പ് നിയന്ത്രിച്ചു. കോഴിക്കോട് ജില്ല കെ.എം.സി.സി സെക്രട്ടറി സാലിഹ് പൊയിൽതൊടി, ബേപ്പൂർ മണ്ഡലം ആക്ടിങ് പ്രസിഡന്റ് കെ. ഷംജാദ്, ചെയർമാൻ റസാഖ് ചേലക്കോട്, അയൂബ് കടലുണ്ടി, അമീൻ ചാലിയം തുടങ്ങിയവർ സംസാരിച്ചു. ഹംസ കുന്നത്ത് സ്വാഗതവും നജ്മുദ്ദിൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.