റിയാദ് ഇന്ത്യൻ അസോസിയേഷൻ ഓണാഘോഷം
റിയാദ്: റിയാദ് ഇന്ത്യൻ അസോസിയേഷൻ (റിയ) ഓണാഘോഷം സംഘടിപ്പിച്ചു. യൂനിറ്റ് തലത്തിൽ നടന്ന അത്തപ്പൂക്കളം മത്സരത്തിൽ ശുമൈസി യൂനിറ്റ് വിജയികളായി. തിരുവാതിരക്കളി, വടംവലി, മാവേലിയെ വരവേൽക്കൽ, കുട്ടികളുടെ വിവിധതരം കലാകായിക മത്സരങ്ങൾ എന്നിവ നടന്നു. റിയ അംഗങ്ങളും കുടുംബങ്ങളും ഉൾപ്പെടെ 250ലേറെ ആളുകൾ പങ്കെടുത്തു. ടി.എൻ. നായർ, ടെന്നി എന്നിവർ വിഭവസമൃദ്ധമായ ഓണസദ്യക്ക് നേതൃത്വം നൽകി. സാംസ്‌കാരിക പരിപാടിയിൽ റിയ പ്രസിഡന്റ് ശിവകുമാർ അധ്യക്ഷത വഹിച്ചു. സാമൂഹിക പ്രവർത്തകൻ ശിഹാബ് കൊട്ടുകാട് ഉദ്ഘാടനം ചെയ്തു. ഇബ്രാഹിം സുബ്ഹാൻ സംസാരിച്ചു. പരിപാടികൾക്ക് കലാകായിക കൺവീനർ സുനിൽ സുഗതൻ, ഹബീബ്, വിവേക്, ഉമർകുട്ടി തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.