ബുറൈദ: സൗദിയിൽ കോവിഡ് ലക്ഷണങ്ങളോടെ ചികിത്സയിലായിരുന്ന മലയാളി മരിച്ചു. അൽ ഖസീമിലെ ഉനൈസ സനാഇയ്യയിൽ ജെ.സി.ബി. ഓപ ്പറേറ്ററായിരുന്ന ആലപ്പുഴ ജില്ലയിലെ ആദിക്കാട്ടുകുളങ്ങര സ്വദേശി ഹസീബ്ഖാനാണ് (48 ) മരണപ്പെട്ടത്. ബുറൈദയിലെ കോവിഡ ് സെന്ററായ ബുറൈദ സെൻട്രൽ ഹോസ്പിറ്റലിൽ വെച്ചാണ് മരണപ്പെട്ടത്.
പത്തുദിവസം മുൻപ് നെഞ്ചുവേദനയെ തുടർന്ന് ഉനൈസയിലെ ഹയാത്ത് ഹോസ്പിറ്റലിലെത്തുകയും ഉടനെ അവിടെ കുഴഞ്ഞു വീഴുകയുമായിരുന്നു, ദിവസങ്ങളോളം വെന്റിലേറ്ററിൽ അബോധാവസ്ഥയിലായിരുന്ന ഇദ്ദേഹത്തിന്റെ കോവിഡ് റിസൾട്ട് പൊസിറ്റീവായതിനെ തുടർന്ന് വിധഗ്ദ ചികിത്സക്കുവേണ്ടി ബുറൈദ സെൻട്രൽ ഹോസ്പിറ്റലിലേക്ക് മാറ്റുകയുമായിരുന്നു.
അദ്ദേഹവുമായി നേരിട്ട് സമ്പർക്കത്തിലായിരുന്ന മലയാളികളായ സുഹൃത്തുക്കൾ നിരീക്ഷണത്തിൽ തുടരുകയാണ്. ആഴ്ചകളോളമായി പനിയും ജലദോഷവും മറ്റുമായി പ്രാഥമിക ആരോഗ്യകേന്ദ്രത്തിൽ ചികിത്സതേടിയിരുന്നു. ഇരുപതോളം വർഷം പ്രവാസിയായ ഇദ്ദേഹം പ്രാരാബ്ധങ്ങൾ കാരണം അഞ്ചരവര്ഷമായി അവസാനം അവധികഴിഞ്ഞു വന്നിട്ട്. പിതാവ് മുഹമ്മദ് റാവുത്തർ,റംലയാണ് ഭാര്യ,മക്കൾ ബിലാൽ, ബിൻഹാജ്,എന്നിവരാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.