പത്തനംതിട്ട ജില്ല സംഗമം (പി.ജെ.എസ്) ജിദ്ദ കമ്മിറ്റി സംഘടിപ്പിച്ച ഓൺലൈൻ ക്രിസ്മസ്, പുതുവത്സരാഘോഷ പരിപാടിയിൽനിന്ന്
ജിദ്ദ: പത്തനംതിട്ട ജില്ല സംഗമം (പി.ജെ.എസ്) ജിദ്ദ കമ്മിറ്റിയുടെ ആഭിമുഖ്യത്തിൽ വിപുലമായി ക്രിസ്മസ്, പുതുവത്സര ആഘോഷം ഓൺലൈനായി സംഘടിപ്പിച്ചു. സാംസ്‌കാരിക പ്രവർത്തകൻ നസീർ ബാവക്കുഞ്ഞു ക്രിസ്മസ് സന്ദേശം കൈമാറി.
മാനുഷിക സ്നേഹത്തിന്‍റെ പുനരൈക്യത്തിനു ഇത്തരം ആഘോഷങ്ങൾ നിതാന്തമാകട്ടെയെന്ന് അദ്ദേഹം പറഞ്ഞു. കുട്ടികളുടെ സംഘനൃത്തം, മാർഗംകളി, കരോൾ സോങ്, ക്വയർ സോങ്‌സ്, സാന്‍റാ വിസിറ്റ്, സ്കിറ്റ്, കവിതാവിഷ്കരണം തുടങ്ങി വൈവിധ്യമാർന്ന കലാപ്രകടനങ്ങൾ ചടങ്ങിന് മാറ്റുകൂട്ടി. പി.ജെ.എസ് ഭാരവാഹികൾ, എക്സിക്യൂട്ടിവ്, വനിത വിഭാഗം അംഗങ്ങൾ, ബാലജനസഖ്യം തുടങ്ങിയവർ പരിപാടിക്ക്‌ നേതൃത്വം നൽകി.
പ്രസിഡന്‍റ്‌ ജയൻ നായർ പ്രക്കാനം, ജോസഫ് വടശ്ശേരിക്കര, വർഗീസ് ഡാനിയൽ എന്നിവർ സംസാരിച്ചു. അയൂബ് ഖാൻ പന്തളം സ്വാഗതവും സന്തോഷ്‌ കെ. ജോൺ നന്ദിയും പറഞ്ഞു. സന്തോഷ്‌ കടമ്മനിട്ട, മനോജ്‌ മാത്യു അടൂർ, ജോബി ടി. ബേബി, അഞ്ജു നവീൻ, ജോർജ് ഓമല്ലൂർ, ആൻഡ്രിയ ലിസ ഷിബു തുടങ്ങിയവർ വിവിധ കലാരൂപങ്ങൾക്ക് നേതൃത്വം നൽകി. ആസ്മ സാബു പരിപാടിയുടെ അവതാരകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.