ജ​ന​ങ്ങ​ളു​ടെ നി​ശ്ച​യ​ദാ​ർ​ഢ്യ​വും ആ​വേ​ശ​വും വി​ജ​യ​ത്തി​ന്​ നി​ദാ​നം -സ​ൽ​മാ​ൻ രാ​ജാ​വ്​

റി​യാ​ദ്​: ജ​ന​ങ്ങ​ളു​ടെ നി​ശ്ച​യ​ദാ​ർ​ഢ്യ​വും ആ​വേ​ശ​വും കൊ​ണ്ട്​ ആ​ഗോ​ള കാ​യി​ക വി​നോ​ദ കേ​ന്ദ്ര​ങ്ങ​ളി​ലൊ​ന്നാ​യി സൗ​ദി അ​റേ​ബ്യ അ​തി​​ന്റെ സ്ഥാ​നം സ്ഥാ​പി​ക്കു​ന്ന​തി​ൽ വി​ജ​യി​ച്ച​താ​യി സ​ൽ​മാ​ൻ രാ​ജാ​വ്​ പ​റ​ഞ്ഞു. 2034 ലോ​ക​ക​പ്പി​ന് ആ​തി​ഥേ​യ​ത്വം വ​ഹി​ക്കാ​നു​ള്ള സൗ​ദി അ​റേ​ബ്യ​യു​ടെ ഫ​യ​ലി​​ന്റെ വി​ശ​ദാം​ശ​ങ്ങ​ൾ പ്ര​ഖ്യാ​പി​ച്ച അ​വ​സ​ര​ത്തി​ലാ​ണ്​ ഇ​ക്കാ​ര്യം പ​റ​ഞ്ഞ​ത്.

സ്‌​പോ​ർ​ട്‌​സി​ന്റെ പ്രാ​ധാ​ന്യം, ഓ​രോ മ​നു​ഷ്യ​നി​ലും അ​തി​ന്റെ ഗു​ണ​പ​ര​മാ​യ സ്വാ​ധീ​നം, ജ​ന​ങ്ങ​ൾ ത​മ്മി​ലു​ള്ള ബ​ന്ധം ശ​ക്തി​പ്പെ​ടു​ത്തു​ന്ന​തി​ലും വി​വി​ധ സം​സ്‌​കാ​ര​ങ്ങ​ൾ ത​മ്മി​ലു​ള്ള ആ​ശ​യ​വി​നി​മ​യം വ​ർ​ധി​പ്പി​ക്കു​ന്ന​തി​ലും ലോ​ക​ത്തി​​ന്റെ വി​വി​ധ ഭാ​ഗ​ങ്ങ​ളി​ലു​ള്ള സ​മൂ​ഹ​ങ്ങ​ൾ​ക്കി​ട​യി​ൽ പാ​ല​ങ്ങ​ൾ നി​ർ​മി​ക്കു​ന്ന​തി​ലും അ​തി​​ന്റെ ഫ​ല​പ്ര​ദ​മാ​യ പ​ങ്ക് എ​ന്നി​വ​യി​ൽ രാ​ജ്യം വി​ശ്വ​സി​ക്കു​ന്നു​വെ​ന്നും സ​ൽ​മാ​ൻ രാ​ജാ​വ്​ പ​റ​ഞ്ഞു.

2034 ഫി​ഫ ലോ​ക​ക​പ്പി​ന്​ ആ​തി​ഥേ​യ​ത്വം വ​ഹി​ക്കാ​ൻ സൗ​ദി അ​തി​​ന്റെ നോ​മി​നേ​ഷ​ൻ ഫ​യ​ൽ സ​മ​ർ​പ്പി​ച്ച​തി​ൽ സ​ന്തോ​ഷ​മു​ണ്ട്. ഈ ​സു​പ്ര​ധാ​ന കാ​യി​ക​മാ​മാ​ങ്ക​ത്തി​ന്​ ആ​തി​ഥേ​യ​ത്വം വ​ഹി​ക്കാ​ൻ അ​ന്താ​രാ​ഷ്​​ട്ര സ​മൂ​ഹ​വു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കും.

രാ​ജ്യാ​ന്ത​ര സ​മൂ​ഹ​ത്തി​​ന്റെ ശ്ര​മ​ങ്ങ​ൾ​ക്കും സ​ഹ​ക​ര​ണ​ത്തി​നും പു​റ​മെ രാ​ജ്യം സൃ​ഷ്​​ടി​ക്കു​ന്ന ക​ഴി​വു​ക​ളു​ണ്ടാ​കു​മെ​ന്ന് ഞ​ങ്ങ​ൾ​ക്ക് ഉ​റ​പ്പു​ണ്ട്.

ഇ​ത് ന​മ്മു​ടെ പൊ​തു​വാ​യ ല​ക്ഷ്യ​ങ്ങ​ൾ കൈ​വ​രി​ക്കു​ക​യും ഫു​ട്ബാ​ൾ കാ​യി​ക​രം​ഗ​ത്തി​ന് ശോ​ഭ​ന​വും തി​ള​ക്ക​മാ​ർ​ന്ന​തു​മാ​യ ഭാ​വി സൃ​ഷ്​​ടി​ക്കു​ക​യും 2034ന്​ ​അ​പ്പു​റ​ത്തേ​ക്ക് വ്യാ​പി​ക്കു​ന്ന ഒ​രു ന​ല്ല പാ​ര​മ്പ​ര്യം സൃ​ഷ്​​ടി​ക്കു​ക​യും ചെ​യ്യും. കാ​യി​ക മേ​ഖ​ല​യി​ലെ നി​ക്ഷേ​പ​ത്തി​ന് വ​ലി​യ പ്രാ​ധാ​ന്യം ന​ൽ​കു​ന്ന​താ​ണ്​ ‘സൗ​ദി വി​ഷ​ൻ 2030’ എ​ന്നും സ​ൽ​മാ​ൻ രാ​ജാ​വ് സൂ​ചി​പ്പി​ച്ചു.