പ്രവാസം മതിയാക്കി മടങ്ങുന്ന റഷീദ് മാങ്കായിക്ക് കൊണ്ടോട്ടി സെൻറർ ജിദ്ദയുടെ ഉപഹാരം സലീം മധുവായി നൽകുന്നു
ജിദ്ദ: രണ്ടര പതിറ്റാണ്ടിെൻറ പ്രവാസം അവസാനിപ്പിച്ച് മടങ്ങുന്ന മലപ്പുറം കൊണ്ടോട്ടി പഴയങ്ങാടി സ്വദേശി റഷീദ് മാങ്കായിക്ക് കൊണ്ടോട്ടി സെൻറർ ജിദ്ദ യാത്രയയപ്പ് നൽകി. ജിദ്ദയിലെ സാമൂഹിക, സാംസ്കാരിക, ജീവകാരുണ്യ രംഗത്തെ സജീവ സാന്നിധ്യവും കൊണ്ടോട്ടി സെൻറർ ജിദ്ദയുടെ സ്ഥാപകരിൽ പ്രമുഖനും നിലവിൽ ജോയൻറ് സെക്രട്ടറിയുമായിരുന്നു ഇദ്ദേഹം. സൗദിയിലെ പ്രശസ്ത ഫാർമസി കമ്പനിയായ നഹ്ദി ഗ്രൂപ്പിൽ റിട്ടേൺ ഓഫിസറായിരിക്കെയാണ് നാട്ടിലേക്ക് മടങ്ങുന്നത്.
യാത്രയയപ്പ് യോഗത്തിൽ സലീം മധുവായി അധ്യക്ഷത വഹിച്ചു. കബീർ കൊണ്ടോട്ടി, ഗഫൂർ ചുണ്ടക്കാടൻ, എ.ടി. ബാവ തങ്ങൾ, മൊയ്തീൻ കടവണ്ടി, റഫീഖ് മാങ്കായി, ഹസ്സൻ കൊണ്ടോട്ടി, പി.സി. അബൂബക്കർ, കരീം എക്കാപറമ്പ്, ഇർഷാദ് കളത്തിങ്ങൽ, കബീർ നീറാട്, ജംഷി കടവണ്ടി, എ.ടി. നസ്റു, അഷ്റഫ് കൊട്ടേൽസ്, ജമാൽ അബ്ദുൽ നാസർ എന്നിവർ സംസാരിച്ചു. നൂഹ് ബീമാപ്പള്ളി, മുസ്തഫ കുന്നുംപുറം, ഖദീജ ബീഗം, സാജിദ എന്നിവർ ഗാനങ്ങൾ ആലപിച്ചു. റഹ്മത്തലി എരഞ്ഞിക്കൽ സ്വാഗതവും റഷീദ് മാങ്കായി നന്ദിയും പറഞ്ഞു. കബീർ തുറക്കൽ ഖിറാഅത്ത് നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.