Representational Image
ജിദ്ദ: റിയാദ് അന്താരാഷ്ട്ര പുസ്തകമേളയുടെ ഭാഗമായി ഒക്ടോബർ നാലിന് അന്താരാഷ്ട്ര പ്രസാധകസമ്മേളനം സംഘടിപ്പിക്കും. സൗദി പബ്ലിഷിങ് സൊസൈറ്റിയാണ് ഇക്കാര്യം അറിയിച്ചത്. സാഹിത്യ-പ്രസിദ്ധീകരണ-വിവർത്തന അതോറിറ്റി സംഘടിപ്പിക്കുന്ന അന്താരാഷ്ട്ര പ്രസാധക സമ്മേളനത്തിൽ അന്താരാഷ്ട്ര, പ്രാദേശികതലങ്ങളിൽ പ്രസിദ്ധീകരണ രംഗത്തുനിന്നുള്ള വ്യവസായപ്രമുഖർ, വ്യക്തിഗത പ്രസാധകർ, രചയിതാക്കൾ, വിദഗ്ധർ, പ്രാദേശികവും അന്തർദേശീയവുമായ പ്രഭാഷകർ എന്നിവർ പങ്കെടുക്കും.
പുസ്തകവ്യവസായത്തിന്റെ വിവിധ വശങ്ങളെക്കുറിച്ചും സമകാലിക വെല്ലുവിളികളിലൂടെ കടന്നുപോകുന്ന സർഗാത്മക വ്യവസായത്തിലെ വളർച്ചയുടെ ഭാവിയെക്കുറിച്ചും വിവിഷ സെഷനുകളിൽ ചർച്ച നടക്കും. വ്യാഴാഴ്ച മുതൽ ഒക്ടോബർ ഏഴ് വരെ റിയാദിലെ കിങ് സഊദ് യൂനിവേഴ്‌സിറ്റിയിലാണ് റിയാദ് അന്താരാഷ്ട്ര പുസ്തകമേള നടക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.