യാമ്പു: കപ്പലിൽ വെച്ച് രോഗം മൂർഛിച്ച ഫിലിപ്പീൻസുകാരനായ നാവികനെ സൗദി അതിർത്തി രക്ഷാസേന രക്ഷപ്പെടുത്തി ആശു പത്രിയിൽ പ്രവേശിപ്പിച്ചു. ഇന്തോനേഷ്യയിൽ നിന്ന് ജൗജിപ്തിലെ സൂയസ് പോർട്ടിലേക്ക് പോകുന്ന കപ്പലിലെ നാവികനാണ് രോഗബാധിതനായത്. ഫിലിപ്പീൻസ് പൗരനായ ഒരാൾ എഴുന്നേറ്റ് നടക്കാൻ പോലും കഴിയാത്ത അവസ്ഥയിൽ രോഗബാധിതനായി കഴിയുകയാണെന്ന വിവരം യാമ്പു പോർട്ടിലെ കൺട്രോൾ ടവറിലാണ് ആദ്യമെത്തിയത്. ഇവിടെ നിന്ന് വിവരം കിട്ടിയതിെൻറ അടിസ്ഥാനത്തിൽ നടത്തിയ തെരച്ചിലിലാണ് കപ്പൽ കണ്ടെത്തി നാവികനെ രക്ഷിക്കാൻ കഴിഞ്ഞതെന്ന് അതിർത്തി രക്ഷാസേന വക്താവ് മുസ്ഫർ അൽഖുറൈനി പറഞ്ഞു.
പട്രോളിങ് വിഭാഗത്തിെൻറ സഹായത്തോടെ കപ്പൽ നിൽക്കുന്ന സ്ഥലം ആദ്യം നിർണയിച്ചു. കപ്പൽ കണ്ടെത്തി രക്ഷാബോട്ടുകൾ അതിനടുത്തെത്തി. വളരെ പെെട്ടന്ന് തന്നെ കപ്പലിനുള്ളിൽ കയറി നാവികനെ സുരക്ഷിതമായി കരയിലേക്ക് കൊണ്ടുവരികയും ആശുപത്രിയിൽ പ്രവേശിപ്പിക്കുകയും ചെയ്തു.
പോർട്ട് ആംബുലൻസിൽ റോയൽ കമീഷൻ മെഡിക്കൽ സെൻററിലേക്കാണ് കൊണ്ടുപോയത്. ചികിത്സയിൽ കഴിയുന്ന നാവികെൻറ ആരോഗ്യസ്ഥിതി തൃപ്തികരമാണെന്നും വക്താവ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.