കുവൈത്ത്​ അമീറി​െൻറ നിര്യാണത്തിൽ അനുശോചിച്ച്​ സൗദി രാജാവും കിരീടാവകാശിയും

ജിദ്ദ: കുവൈത്ത്​ അമീർ ശൈഖ്​ സ്വബാഹ്​ അൽഅഹമ്മദ്​​ അൽജാബിർ അൽസ്വബാഹി​െൻറ നിര്യാണത്തിൽ സൗദി ഭരണാധികാരി സൽമാൻ രാജാവും കിരീടാവകാശി അമീർ മുഹമ്മദ്​ ബിൻ സൽമാനും അനുശോചിച്ചു.

ഏറെ വേദനയോടെയും വലിയ ദുഃഖത്തോടെയുമാണ്​ കുവൈത്ത്​ അമീറി​െൻറ മരണവാർത്ത കേട്ടതെന്ന്​ സൗദി റോയൽ കോർട്ട്​ പുറത്തിറക്കിയ അനുശോചന സന്ദേശത്തിൽ പറഞ്ഞു. ഇൗ സന്ദർഭത്തിൽ കുവൈത്തിലെ ആലു സ്വബാഹ്​ കുടുംബത്തിനും കുവൈത്ത്​ ജനതക്കും അറബ്​ ഇസ്​ലാമിക രാഷ്​ട്രങ്ങളും ആത്മാർഥമായ അനുശോചനവും ദുഃഖവും അറിയിക്കുന്നു.

ധാരാളം നേട്ടങ്ങളുണ്ടാക്കിയ ജീവിതമാണ്​ അമീ​ർ ശൈഖ്​ സ്വബാഹി​േൻറത്​. ഉദാരമതിയായിരുന്നു അദ്ദേഹം. ദാനധർമങ്ങൾക്കും അദ്ദേഹം വളരെ മുന്നിലായിരുന്നു. കുവൈത്തിനും അറബ്​, ഇസ്​ലാമിക രാഷ്​ട്രങ്ങൾക്കും മനുഷ്യ സമൂഹത്തിനും മഹത്തായ സേവനങ്ങൾ അർപ്പിച്ചാണ്​ അദ്ദേഹം വിടവാങ്ങിയത്​.

സൗദി അറേബ്യയും ജനങ്ങളും കുവൈത്ത്​ ജനതയുടെ ദുഃഖത്തിൽ പങ്കുചേരുന്നു. കുടുംബത്തിനും കുവൈത്ത്​ ജനതക്കും ക്ഷമക്കും സാന്ത്വനത്തിനും വേണ്ടി പ്രാർഥിക്കുന്നു. കുവൈത്തിനും ജനങ്ങൾക്കും സുരക്ഷയും സ്ഥിരതയും സമൃദ്ധിയും നിലനിൽക്ക​െട്ടയെന്ന്​ പ്രാർഥിക്കുന്നുവെന്നും സൗദി ഭരണാധികാരി സൽമാൻ രാജാവ്​ അനുശോചന സന്ദേശത്തിൽ പറഞ്ഞു.

ഇൗ മാസം ഒമ്പതിന്​ കിരീടാവകാശി അമീർ മുഹമ്മദ്​ ബിൻ സൽമാൻ കുവൈത്ത് കിരീടാവകാശി ശൈഖ്​ നവാഫ്​ അൽഅഹമ്മദ്​ അൽജാബിർ അൽസബാഹിനെ ഫോൺ ചെയ്​ത്​ കുവൈത്ത്​​ അമീർ സബാഹി​െൻറ ആരോഗ്യസ്ഥിതിയെ കുറിച്ച്​ അന്വേഷിക്കുകയും സുഖപ്രാപ്​തിക്ക്​ വേണ്ടി പ്രാർഥിക്കുകയും ചെയ്​തിരുന്നു.

സുഖാന്വേഷണത്തിന്​ ശൈഖ്​ നവാഫ്​ നന്ദി അറിയിക്കുകയും രണ്ട് സഹോദര രാജ്യങ്ങളുടെ ആഴത്തിലുള്ള ചരിത്രപരമായ ബന്ധത്തെ ഉൗട്ടിയുറപ്പിക്കുന്നതാണ്​ ഇതെന്ന്​ പറയുകയും ചെയ്​തിരുന്നു.