തലശ്ശേരി പ്രീമിയർ ലീഗ് ക്രിക്കറ്റിൽ ജേതാക്കളായ ടീം സൗദാൽ
റിയാദ്: തലശ്ശേരി മണ്ഡലം വെൽഫെയർ അസോസിയേഷൻ ‘തലശ്ശേരി ഫെസ്റ്റ് 2024’ െൻറ ഭാഗമായി സംഘടിപ്പിച്ച തലശ്ശേരി പ്രീമിയർ ലീഗ് സീസൺ എയ്റ്റ് ക്രിക്കറ്റ് ടൂർണമെൻറിൽ റഫ്ഷാദ് വാഴയിലിെൻറയും അഡ്വ. ഹാരിസ് തൈക്കണ്ടിയുടെയും ജംഷീദ് അഹമ്മദിെൻറയും നേതൃത്വത്തിലുള്ള ടീം സൗദാൽ ജേതാക്കളായി. ടീം ലോജികെയറിനെ ഏഴ് വിക്കറ്റുകൾക്കാണ് പരാജയപ്പെടുത്തിയത്.
ആറു ടീമുകൾ പങ്കെടുത്ത ടൂർണമെൻറ് റിയാദിലെ സാസ് ക്രിക്കറ്റ് അക്കാദമിയിലാണ് നടന്നത്. ജനറൽ സെക്രട്ടറി ടി.എം. അൻവർ സാദത്ത് ടൂർണമെൻറ് ഉദ്ഘാടനം ചെയ്തു. റഫ്ഷാദ് വാഴയിൽ ഫൈനലിലെ മാൻ ഓഫ് ദി മാച്ചായി തിരഞ്ഞെടുക്കപ്പെട്ടു.
നസ്മിൽ അബ്ദുല്ല മികച്ച ബാറ്റർ, പ്ലെയർ ഓഫ് ദി ടൂർണമെൻറ് എന്നീ അവാർഡുകൾ കരസ്ഥമാക്കി. മികച്ച ബൗളറായി ഷഹീർ സല്ലു, ഫീൽഡറായി മുഹമ്മദ് ഷാസ് കാത്താണ്ടി എന്നിവർ തിരഞ്ഞെടുക്കപ്പെട്ടു. ഹിഷാം അഹമ്മദ്, റിദ്വാൻ, മുഹമ്മദ് ഷാനിജ്, മുഹമ്മദ് ഫർഹാൻ എന്നിവർ മത്സരങ്ങൾ നിയന്ത്രിച്ചു. വിജയികൾക്കുള്ള സമ്മാനങ്ങൾ വിതരണം ചെയ്തു. അലാംക്കോ സ്പേസ് വർക്സ് സി.ഇ.ഒ ഷാനവാസ് അഹമ്മദ്, മാദൻ അൽ ജസീറ സി.ഇ.ഒ മുദസ്സിർ തയ്യിൽ എന്നിവർ സന്നിഹിതരായിരുന്നു.
കൺവീനർ ഫുഹാദ് കണ്ണമ്പത്ത്,അഫ്താബ് അമ്പിലായിൽ , ഹസീബ് മുഹമ്മദ് നേതൃത്വം നൽകി. മാജിക് ബൗൾ ഒരുക്കിയ തലശ്ശേരി ഭക്ഷണശാല പരിപാടിയുടെ മാറ്റ് കൂട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.