ടൂ​റി​സം വി​ക​സ​നം: സൗ​ദി​യും ചൈ​ന​യും ക​രാ​ർ ഒ​പ്പു​വെ​ച്ചു

ജി​ദ്ദ: സൗ​ദി അ​റേ​ബ്യ​യെ ചൈ​നീ​സ് വി​നോ​ദ​സ​ഞ്ചാ​രി​ക​ളു​ടെ പ്ര​ധാ​ന സ​ന്ദ​ർ​ശ​ന കേ​ന്ദ്ര​മാ​യി മാ​റ്റു​ന്ന​തി​നു​ള്ള ക​രാ​ർ ഒ​പ്പു​വെ​ച്ചു. ടൂ​റി​സം മ​ന്ത്രാ​ല​യ​ത്തി​നു​വേ​ണ്ടി ചൈ​ന​യി​ലെ സൗ​ദി അം​ബാ​സ​ഡ​ർ അ​ബ്​​ദു​റ​ഹ്​​മാ​ൻ ബി​ൻ അ​ഹ്​​മ​ദ് അ​ൽ​ഹ​ർ​ബി​യും ചൈ​നീ​സ്​ സാം​സ്കാ​രി​ക, ടൂ​റി​സം ഡെ​പ്യൂ​ട്ടി മ​ന്ത്രി ഡു ​ജി​യാ​ങ്ങു​മാ​ണ്​ ക​രാ​റി​ൽ ഒ​പ്പു​വെ​ച്ച​ത്. ഇ​തോ​ടെ ടൂ​റി​സ്​​റ്റ്​ വി​സ​യി​ൽ സൗ​ദി​യി​ലേ​ക്ക് വ​രാ​ൻ ചൈ​നീ​സ് പൗ​ര​ന്മാ​ർ​ക്ക് ക​ഴി​യും. ഇ-​വി​സ ല​ഭി​ക്കാ​ൻ യോ​ഗ്യ​ത​യു​ള്ള 57 രാ​ജ്യ​ങ്ങ​ളി​ൽ ഒ​ന്നാ​യി ചൈ​ന​യെ ഉ​ൾ​പ്പെ​ടു​ത്തു​ക​യും ചെ​യ്​​തു. മ​റ്റൊ​രു രാ​ജ്യ​ത്തേ​ക്കു​ള്ള യാ​ത്രാ​മ​ധ്യേ സൗ​ദി​യി​ൽ ഇ​റ​ങ്ങാ​നും 96 മ​ണി​ക്കൂ​ർ​വ​രെ ഇ​വി​ടെ ത​ങ്ങാ​നും അ​നു​വ​ദി​ക്കു​ന്ന ട്രാ​ൻ​സി​റ്റ് വി​സ​ക​ൾ ചൈ​നീ​സ്​ പൗ​ര​ന്മാ​ർ​ക്ക്​ അ​നു​വ​ദി​ക്കും. ടൂ​റി​സ്​​റ്റു​ക​ളെ സ​ഹാ​യി​ക്കാ​നു​ള്ള ‘സ്പി​രി​റ്റ് ഓ​ഫ് സൗ​ദി അ​റേ​ബ്യ’ എ​ന്ന ഡി​ജി​റ്റ​ൽ പ്ലാ​റ്റ്‌​ഫോ​മി​ലെ ഭാ​ഷ​ക​ളു​ടെ പ​ട്ടി​ക​യി​ൽ ചൈ​നീ​സ് ഭാ​ഷ​യെ​യും ഉ​ൾ​പ്പെ​ടു​ത്തി. ചൈ​നീ​സ് ടൂ​റി​സ്​​റ്റു​ക​ൾ​ക്ക് അ​നു​യോ​ജ്യ​മാ​യ ഇ​ല​ക്ട്രോ​ണി​ക് പേ​മെ​ന്‍റ് സം​വി​ധാ​ന​ങ്ങ​ളും രാ​ജ്യ​ത്ത്​ ഒ​രു​ക്കും.

ഈ ​ക​രാ​ർ ഇ​രു​രാ​ജ്യ​ങ്ങ​ളും ക​ഴി​ഞ്ഞ കാ​ല​യ​ള​വി​ൽ ന​ട​ത്തി​യ ശ്ര​മ​ങ്ങ​ളു​ടെ ഫ​ല​മാ​യി ക​ണ​ക്കാ​ക്ക​പ്പെ​ടു​ന്നു​വെ​ന്ന്​ സൗ​ദി ടൂ​റി​സം മ​ന്ത്രി അ​ഹ്​​മ​ദ് അ​ൽ ഖ​ത്തീ​ബ് പ​റ​ഞ്ഞു. ഇ​തി​ലൂ​ടെ ഉ​ഭ​യ​ക​ക്ഷി ബ​ന്ധം ശ​ക്തി​പ്പെ​ടും. വി​നോ​ദ​സ​ഞ്ചാ​രം പ്രോ​ത്സാ​ഹി​പ്പി​ക്ക​പ്പെ​ടും. ഈ ​സു​പ്ര​ധാ​ന ക​രാ​ർ മു​ഖേ​ന ചൈ​ന​യി​ൽ​നി​ന്നു​ള്ള വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ സ​ഹാ​യി​ക്കു​മെ​ന്ന് പ്ര​തീ​ക്ഷി​ക്കു​ന്നു. 2030ഓ​ടെ പ്ര​തി​വ​ർ​ഷം 30 ല​ക്ഷം ചൈ​നീ​സ് വി​നോ​ദ​സ​ഞ്ചാ​രി​ക​ൾ സൗ​ദി​യി​ലേ​ക്കെ​ത്തു​മെ​ന്നും ടൂ​റി​സം മ​ന്ത്രി പ​റ​ഞ്ഞു.

‘ബെ​ൽ​റ്റ് ആ​ൻ​ഡ് റോ​ഡ്’ സം​രം​ഭ​ത്തി​​ന്‍റെ 10ാം വാ​ർ​ഷി​കം ആ​ഘോ​ഷി​ക്കു​ന്ന​വേ​ള​യി​ൽ സൗ​ദി​യും ചൈ​ന​യും ത​മ്മി​ലു​ള്ള ദ​ശാ​ബ്​​ദ​ങ്ങ​ൾ നീ​ണ്ട ബ​ന്ധ​ത്തി​ലെ സു​പ്ര​ധാ​ന ചു​വ​ടു​വെ​പ്പാ​ണ്​​ ടൂ​റി​സം രം​ഗ​ത്ത് ​ഒ​പ്പു​വെ​ച്ച ഈ ​ക​രാ​റെ​ന്ന്​ ചൈ​നീ​സ്​ സാം​സ്കാ​രി​ക ടൂ​റി​സം ഡെ​പ്യൂ​ട്ടി മ​ന്ത്രി ഡു ​ജി​യാ​ങ് പ​റ​ഞ്ഞു. ഇ​ത് പ​ര​സ്പ​ര​ധാ​ര​ണ​യും ബ​ഹു​മാ​ന​വും വി​ല​മ​തി​പ്പും വ​ർ​ധി​പ്പി​ക്കു​ന്നു. ഒ​പ്പം പൊ​തു​വാ​യ ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​ന് സ​ഹ​ക​രി​ക്കാ​നും ബ​ന്ധ​ങ്ങ​ൾ വി​ക​സി​പ്പി​ക്കാ​നു​മു​ള്ള ഞ​ങ്ങ​ളു​ടെ പ്ര​തി​ബ​ദ്ധ​ത​യും പ്ര​തി​ഫ​ലി​പ്പി​ക്കു​ന്ന​താ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.