എക്​സ്​പോയിൽ എ.ആർ റഹ്​മാനൊപ്പം അൽപനേരം

എക്​സ്​പോ നടത്തിപ്പ്​ ദുബൈക്ക് ലഭിച്ചിരിക്കുന്നു എന്ന വാർത്ത വന്നതുമുതൽ ഞാൻ എന്നും പോകാറുള്ള പ്രോസിക്യൂഷനിലും കോടതിയിലും അടക്കം മേളയെക്കുറിച്ച ചർച്ചകൾ നിറഞ്ഞിരുന്നു. നാലഞ്ചു വർഷക്കാലത്തോളം എക്സ്പോ 2020യുടെ അത്ഭുതം കാണാൻ കാത്തിരിക്കുകയായിരുന്നു. അതിനിടയിലാണ്​ കോവിഡ്​ എന്ന മഹാവിപത്ത് ലോകത്തെ കീഴടക്കിയത്. എല്ലാ രാജ്യങ്ങളും മഹാമാരിയിൽ പതറിയപ്പോൾ സ്വന്തം ജനതയെയും ഇവിടെ അധിവസിക്കുന്ന 200ഓളം രാജ്യക്കാരെയും ഒന്നിച്ചുനിർത്തി യു.എ.ഇ തിരിച്ചു വന്നപ്പോൾ എക്​സ്​പോ കാണുക എന്ന പ്രതീക്ഷ വീണ്ടും ശക്തമായി. ലോകമേളക്ക്​ തുടക്കംകുറിച്ച ഉദ്ഘാടന ദിവസം, വിസ്​മയക്കാഴ്​ചകളിലൂടെ ലോകത്തിന് കാണിച്ചു കൊടുത്തത് അതിർവരമ്പുകളില്ലാത്ത മനുഷ്യത്വം നിറഞ്ഞ ഒരു ഗ്ലോബൽ സിറ്റിയാണ്​. ഒക്ടോബർ ഒന്നിന്​ ഇന്ത്യൻ പവിലിയ​െൻറ ഉദ്ഘാടനച്ചടങ്ങി​െൻറ ക്ഷണക്കത്ത് കിട്ടിയപ്പോൾ ഞാനും അക്കാഫ് ചെയർമാൻ ഷാഹുൽ ഹമീദും പ്രിയദർശിനിയുടെ പ്രസിഡൻറായ സന്തോഷും ചേർന്നാണ് എക്സ്പോ നഗരിയിലെത്തിയത്.എക്സ്പോയിൽ സുരക്ഷപരിശോധന നടത്തുന്നവർ മുതൽ എല്ലാവരും വളരെ സൗമ്യമായി ആതിഥ്യമര്യാദയോടെ പെരുമാറുന്നവരാണെന്നത്​ എന്നെ ആകർഷിച്ച ഒരു ഘടകമാണ്​. മറ്റൊന്ന്​ നഗരി മുഴുവൻ ചുറ്റിക്കാണാൻ സഹായിക്കുന്ന രീതിയിൽ യാത്രാസൗകര്യങ്ങൾ പ്രത്യേകം ഒരുക്കിയിട്ടുണ്ട്​ എന്നതാണ്​. ഇന്ത്യൻ പവിലിയ​െൻറ ഉദ്ഘാടനത്തിന് പല പ്രമുഖരും ഉണ്ടായിരുന്നെങ്കിലും വളരെ യാദൃച്ഛികമായി ഓസ്​കർ ജേതാവ്​ എ.ആർ. റഹ്​മാനെയും കുടുബത്തേയും കാണാനും അവർക്കൊപ്പം കുറച്ചു സമയം ചെലവഴിക്കാനും അവസരം ലഭിച്ചത്​ എക്​സ്​പോയെ എനിക്ക്​ അവിസ്​മരണീയമാക്കി. ഇന്ത്യൻ പവിലി​യ​െൻറ തൊട്ടടുത്തുള്ള അമേരിക്കൻ പവിലിയനും എന്നെ ആകർഷിച്ചു. ലൈഫ്​, ലിബേർട്ടി ആൻഡ്​ പെർസ്യൂട്​ ഓഫ്​ ഫ്യൂചർ എന്ന വളരെ ശക്തമായ തീമാണ് പവിലിയനിൽ കാണാൻ സാധിച്ചത്. ലോകത്തെ അമേരിക്ക നയിക്കുന്നതി​െൻറ മിനിയേച്ചർ തന്നെയായിട്ടാണ് ഈ പവിലിയൻ അനുഭവപ്പെട്ടത്​. മറ്റനേകം രാജ്യങ്ങളും വിസ്​മയക്കാഴ്​ചകളുമായി സന്ദർശനകരെ കാത്തിരിക്കുന്നുണ്ട്​. അഡ്വ. ഹാഷിക്​ തൈക്കണ്ടി (സീനിയർ ലീഗൽ കൺസൽട്ടൻറ്​ യൂനിവേഴ്​സൽ ലീഗൽ അസോസിയറ്റ്, ദുബൈ)