അബൂദബി: അബൂദബി എന്നത് പലരുടെയും സ്വപ്ന ഭൂമിയാണെന്നും ഈ നഗരത്തിൽ താമസിക്കുന്നവർ ഭാഗ്യവാന്മാരാണെന്നും മമ്മൂട്ടി. പുതിയ ചിത്രമായ റൊഷാക്കിന്‍റെ വിജയാഘോഷത്തിനും വിഡിയോ സോങ് റിലീസിനുമായി അബൂദബി ഡെൽമ മാളിൽ എത്തിയതായിരുന്നു മമ്മൂട്ടി. പ്രവാസികളുടെ സ്വപ്നങ്ങൾ പൂർത്തീകരിച്ച സ്ഥലമാണ് അബൂദബി.
പണ്ടൊക്കെ അബൂദബി പുതിയാപ്ലക്ക് നാട്ടിൽ വൻ ഡിമാൻഡായിരുന്നു. സിനിമക്ക് ഒരുപാട് ആനുകൂല്യങ്ങളും പിന്തുണയും നൽകുന്നവരാണ് അബൂദബി സർക്കാർ. സിനിമയെ വളർത്തുന്നത് പ്രേക്ഷകരാണെന്നും അദ്ദേഹം കൂട്ടിച്ചേർത്തു. താരങ്ങളായ ഷറഫുദ്ദീൻ, ഗ്രേസ് ആന്‍റണി, മേക്കപ്പ്മാൻ ജോർജ്, ട്രൂപ് ഗ്ലോബൽ ഫിലിംസ് ചെയർമാൻ അബ്ദുൽ സമദ് തുടങ്ങിയവരും ഒപ്പമുണ്ടായിരുന്നു. മമ്മൂട്ടിയെ കാണാൻ നൂറുകണക്കിനാളുകൾ ഡൽമ മാളിൽ എത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.