കമാല്‍ വരദൂർ
അബൂദബി: പത്ര-ദൃശ്യ-ശ്രാവ്യ മാധ്യമങ്ങളിലെ കായികാവലോകന മികവിന് അബൂദബി കെ.എം.സി.സി നല്‍കുന്ന കായിക മാധ്യമ പുരസ്‌കാരം ചന്ദ്രിക ചീഫ് ന്യൂസ് എഡിറ്റർ കമാല്‍ വരദൂരിന്.
ടോക്യോ ഒളിമ്പിക്‌സ് ഉള്‍പ്പെടെ പോയ വര്‍ഷത്തെ കായിക സംഭവങ്ങളുട അവലോകന മികവ് വിലയിരുത്തിയാണ് അവാർഡ്. ഇന്ത്യന്‍ ഫുട്‌ബാള്‍ ടീം ക്യാപ്റ്റന്മാരായ ഐ.എം. വിജയന്‍, ജോ പോള്‍ അഞ്ചേരി, കാലിക്കറ്റ് വാഴ്‌സിറ്റി കായിക വിഭാഗം മേധാവി ഡോ.വി.പി. സക്കീര്‍ ഹുസൈന്‍ എന്നിവരടങ്ങുന്ന ജൂറിയാണ് തിരഞ്ഞെടുത്തത്.
50,000 രൂപയും പ്രശസ്തി പത്രവും അബൂദബിയില്‍ നടക്കുന്ന ചടങ്ങില്‍ സമ്മാനിക്കുമെന്ന് കെ.എം.സി.സി പ്രസിഡൻറ് ഷുക്കൂറലി കല്ലുങ്ങൽ, ജനറൽ സെക്രട്ടറി അഡ്വ. കെ.വി. മുഹമ്മദ്‌കുഞ്ഞി, ട്രഷറർ പി.കെ. അഹമ്മദ് എന്നിവർ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.