അജ്മാൻ കുതിര പ്രദർശനത്തിലെ കുതിര (ഫയൽ ചിത്രം)
അജ്മാന്‍: മുന്നൂറിലേറെ കുതിരകൾ പങ്കെടുക്കുന്ന അജ്മാൻ കുതിരപ്രദർശനത്തിന് തുടക്കമായി. എമിറേറ്റ്സ് ഹോഴ്സ് അസോസിയേഷന്‍റെ മേൽനോട്ടത്തിൽ മൂന്ന് ദിവസം നീണ്ടുനിൽക്കുന്ന കുതിര പ്രദർശനത്തിന്‍റെ 20ാം പതിപ്പാണ് അജ്മാനിൽ നടക്കുന്നത്. യു.എ.ഇയിലും വിദേശത്തും നേട്ടങ്ങൾ കൈവരിച്ചതും ഏറ്റവും പ്രശസ്തരായ ഉടമകളുടെ മനോഹരവുമായ ഇനങ്ങളിൽപെട്ടതുമായ കുതിരകളാണ് ടൂർണമെൻറിൽ പങ്കെടുക്കുന്നത്.
വിവിധ പ്രായത്തിലുള്ള കുതിരകളുടെ കാറ്റഗറിയില്‍ വ്യത്യസ്തങ്ങളായ മത്സരങ്ങള്‍ അരങ്ങേറും. യു.എ.ഇ സുപ്രീം കൗണ്‍സില്‍ അംഗവും അജ്മാന്‍ ഭരണാധികാരിയുമായ ശൈഖ് ഹുമൈദ് ബിന്‍ റാശിദ് അല്‍ നുഐമിയുടെ രക്ഷാകർതൃത്വത്തിലാണ് പ്രദര്‍ശനം അരങ്ങേറുന്നത്. ഓരോ വിഭാഗത്തിലുമുള്ള വിജയികള്‍ക്ക് സ്വർണം, വെള്ളി, വെങ്കലം സമ്മാനങ്ങള്‍ വിതരണം ചെയ്യും. വെള്ളിയാഴ്ച ആരംഭിച്ച മത്സരങ്ങള്‍ മൂന്ന് ദിവസം നീണ്ടുനില്‍ക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.