മലയാളം മിഷൻ ദുബൈ ചാപ്റ്ററും ഗൾഫ് മോഡൽ സ്‌കൂൾ കുട്ടിമലയാളം ക്ലബും ചേർന്ന്
സംഘടിപ്പിച്ച ശിശുദിനാഘോഷം
ദുബൈ: മലയാളം മിഷൻ ദുബൈ ചാപ്റ്ററും ഗൾഫ് മോഡൽ സ്‌കൂൾ കുട്ടിമലയാളം ക്ലബും ചേർന്ന് ശിശുദിനാഘോഷം സംഘടിപ്പിച്ചു. മലയാളം മിഷൻ ഡയറക്ടറേറ്റ് പുറത്തിറക്കിയ വിഡിയോ പ്രദർശനം, കുട്ടികളുടെ വിവിധ കലാപരിപാടികൾ എന്നിവ ആഘോഷത്തിന്‍റെ ഭാഗമായി അവതരിപ്പിച്ചു.
മലയാളം മിഷൻ ദുബൈ ചാപ്റ്റർ ചെയർമാൻ വിനോദ് നമ്പ്യാർ, സ്‌കൂൾ വൈസ് പ്രിൻസിപ്പലും മലയാളം മിഷൻ ദുബൈ ചാപ്റ്റർ അധ്യാപികയുമായ ഉഷ ഷിനോജ്, ചാപ്റ്റർ അക്കാദമിക് കോഓഡിനേറ്റർ സ്വപ്ന സജി, മേഖല കോഓഡിനേറ്റർ സജി പി.ദേവ്, ഗൾഫ് മോഡൽ സ്‌കൂൾ അധ്യാപകർ എന്നിവർ പങ്കെടുത്തു.
സ്കൂളിലെ മലയാള വിഭാഗം കോഓഡിനേറ്റർ റെമിള സുഖ്ദേവിന്‍റെ നേതൃത്വത്തിൽ മലയാള ഭാഷ അധ്യാപികമാരുടെ സജീവ പങ്കാളിത്തം പരിപാടിയെ ആകർഷണീയമാക്കി. സ്കൂളിലെ മലയാളികളായ അധ്യാപികമാർ അവതരിപ്പിച്ച തിരുവാതിര അരങ്ങേറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.