ദുബൈ: ഇന്ത്യയിൽ നിന്ന് കോവിഷീൽഡ് വാക്സിനെടുത്തവർക്ക് ദുബൈയിലേക്ക് മടങ്ങാമെന്ന് ഫ്ലൈ ദുബൈയും ഇൻഡിഗോ എയർലൈനും ട്രാവൽ ഏജൻസികളെ അറിയിച്ചു. രണ്ടാം ഡോസ് എടുത്ത് 14 ദിവസം പിന്നിട്ടിരിക്കണം. ദുബൈ വിസക്കാർ ജി.ഡി.ആർ.എഫ്.എയുടെ അനുമതി നേടിയിരിക്കണം. നിലവിൽ ദുബൈ വിസക്കാർക്ക് മാത്രമെ ദുബൈയിലെ വിമാനത്താവളങ്ങളിൽ അനുമതി നൽകുന്നുള്ളു.
അതേസമയം, വാക്സിൻ എടുക്കാത്തവർക്കും ദുബൈയിലേക്ക് മടങ്ങാമെന്ന് ഇന്ത്യൻ വിമാനകമ്പനിയായ എയർ വിസ്താര അറിയിച്ചു. ട്രാവൽ ഏജൻസികൾക്ക് അയച്ച സർക്കുലറിലാണ് ഇക്കാര്യം വ്യക്തമാക്കുന്നത്. എന്നാൽ, കേരളത്തിൽ നിന്ന് എയർ വിസ്താര സർവീസ് നടത്തുന്നില്ല. മുംബൈ, ഡൽഹി വിമാനത്താവളത്തിൽ നിന്നാണ് ഇതിെൻറ സർവീസ്. ദുബൈ വിസക്കാർക്ക് മാത്രമാണ് മടങ്ങാൻ കഴിയുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.