45,000 പു​സ്ത​ക​ങ്ങ​ൾ സം​ഭാ​വ​ന ചെ​യ്ത്​ ദുബൈ ലൈബ്രറി

ദു​ബൈ: പൊ​തു​ജ​ന​ങ്ങ​ളി​ൽ വാ​യ​ന സം​സ്കാ​രം പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യി രാ​ജ്യ​ത്തെ സ​ർ​ക്കാ​ർ സ്ഥാ​പ​ന​ങ്ങ​ൾ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ലൈ​ബ്ര​റി​ക​ൾ എ​ന്നി​വ​ക്കാ​യി 45,000 പു​സ്ത​ക​ങ്ങ​ൾ സം​ഭാ​വ​ന ചെ​യ്ത്​ മു​ഹ​മ്മ​ദ്​ ബി​ൻ റാ​ശി​ദ്​ ലൈ​ബ്ര​റി (എം.​ബി.​ആ​ർ.​എ​ൽ). ‘വാ​യ​ന​യു​ടെ ഒ​രു ലോ​കം’ എ​ന്ന സം​രം​ഭ​ത്തി​ന്‍റെ ഭാ​ഗ​മാ​യാ​ണ്​ വ്യ​ത്യ​സ്ത വി​ഷ​യ​ങ്ങ​ളി​ലു​ള്ള അ​ര ല​ക്ഷ​ത്തോ​ളം പു​സ്ത​ക​ങ്ങ​ൾ എം.​ബി.​ആ​ർ.​എ​ൽ സം​ഭാ​വ​ന ന​ൽ​കി​യ​ത്. ഇ​തി​ൽ 5000 പു​സ്ത​ക​ങ്ങ​ൾ ദു​ബൈ, ഷാ​ർ​ജ, അ​ജ്​​മാ​ൻ, റാ​സ​ൽ ഖൈ​മ, ഫു​ജൈ​റ എ​ന്നീ എ​മി​റേ​റ്റു​ക​ളി​ൽ പ്ര​വ​ർ​ത്തി​ക്കു​ന്ന സാ​യി​ദ്​ വി​ദ്യാ​ഭ്യാ​സ കോം​പ്ല​ക്സു​ക​ളി​ലെ 11 സ്ഥാ​പ​ന​ങ്ങ​ൾ​ക്കാ​ണ്​ കൈ​മാ​റി​യ​ത്. 5100 പു​സ്ത​ക​ങ്ങ​ൾ​കൂ​ടി ഉ​ട​ൻ വി​ത​ര​ണം ചെ​യ്യാ​നും പ​ദ്ധ​തി​യു​ള്ള​താ​യി എം.​ബി.​ആ​ർ.​എ​ൽ പ്ര​സ്താ​വ​ന​യി​ൽ അ​റി​യി​ച്ചു.

സ​മൂ​ഹ​ത്തി​ൽ വാ​യ​ന സം​സ്കാ​രം പ്രോ​ത്സാ​ഹി​പ്പി​ക്കാ​നും അ​റി​വ്​ വ​ർ​ധി​പ്പി​ക്കാ​നും ല​ക്ഷ്യ​മി​ട്ടാ​ണ്​​ പ്രാ​ദേ​ശി​ക ത​ല​ത്തി​ലു​ള്ള​ പു​സ്ത​ക പ്ര​സാ​ധ​ക​ർ, പ്ര​ത്യേ​ക വി​ഷ​യ​ങ്ങ​ളി​ൽ പു​സ്ത​ക​ങ്ങ​ൾ പ്ര​സി​ദ്ധീ​ക​രി​ക്കു​ന്ന സ്ഥാ​പ​ന​ങ്ങ​ൾ, എ​ഴു​ത്തു​കാ​ർ, സാ​ഹി​ത്യ​കാ​ര​ന്മാ​ർ എ​ന്നി​ വ​രു​ടെ സ​ഹ​ക​ര​ണ​ത്തോ​ടെ​ ‘വാ​യ​ന​യു​ടെ ​ഒ​രു ലോ​കം’ സം​രം​ഭം എം.​ബി.​ആ​ർ.​എ​ൽ ആ​രം​ഭി​ച്ചി​രി​ക്കു​ന്ന​ത്. സ്കൂ​ൾ ലൈ​ബ്ര​റി​ക​ൾ, വി​ദ്യാ​ഭ്യാ​സ സ്ഥാ​ന​ങ്ങ​ൾ, വി​വി​ധ വാ​യ​ന കേ​ന്ദ്ര​ങ്ങ​ൾ, ക്ല​ബു​ക​ൾ, വാ​യ​ന​ശാ​ല​ക​ൾ, സ​ർ​ക്കാ​ർ വ​കു​പ്പു​ക​ൾ എ​ന്നി​വി​ട​ങ്ങ​ളി​ൽ കു​ട്ടി​ക​ൾ, യു​വാ​ക്ക​ൾ, മു​തി​ർ​ന്ന​വ​ർ എ​ന്നി​വ​ർ​ക്കാ​യി അ​റ​ബി​ക്, ഇം​ഗ്ലീ​ഷ് ഭാ​ഷ​യി​ലു​ള്ള മൂ​ല്യ​വ​ത്താ​യ​തും വ്യ​ത്യ​സ്ത​വു​മാ​യ പു​സ്ത​ക​ങ്ങ​ൾ ല​ഭ്യ​മാ​ക്കു​ക​യെ​ന്ന​താ​ണ്​ ‘വാ​യ​ന​യു​ടെ ഒ​രു ലോ​കം’ എ​ന്ന സം​രം​ഭം​കൊ​ണ്ട്​ ല​ക്ഷ്യം വെ​ക്കു​ന്ന​ത്. അ​റ​ബി​ക്, ഇം​ഗ്ലീ​ഷ്​ കൂ​ടാ​തെ കാ​ഴ്​​ച​പ​രി​മി​ത​ർ​ക്കാ​യി ബ്രെ​യി​ലി ലി​പി​യി​ലു​ള്ള പു​സ്ത​ക​ങ്ങ​ളും ല​ഭ്യ​മാ​ക്കു​ന്നു​ണ്ട്.