ഇ​ത്തി​ഹാ​ദ്​ ട്രെ​യ്​​നി​ന്‍റെ സൗ​ക​ര്യ​ങ്ങ​ൾ പു​റ​ത്തു​വി​ട്ടു

ദു​ബൈ: സ​ർ​വി​സ്​ തു​ട​ങ്ങാ​ൻ ത​യാ​റെ​ടു​ക്കു​ന്ന ഇ​ത്തി​ഹാ​ദ്​ പാ​സ​ഞ്ച​ർ ​ട്രെ​യി​​നി​ൽ യാ​ത്ര​ക്കാ​രെ കാ​ത്തി​രി​ക്കു​ന്ന​ത്​ ലോ​കോ​ത്ത​ര സൗ​ക​ര്യ​ങ്ങ​ൾ. 400 യാ​ത്ര​ക്കാ​രെ ഉ​ൾ​ക്കൊ​ള്ളാ​ൻ ശേ​ഷി​യു​ള്ള ​പ്രോ​ട്ടോ ടൈ​പ്പ്​ പാ​സ​ഞ്ച​ർ​ ട്രെ​യി​നാ​ണ് ഇ​ത്തി​ഹാ​ദ്​​ സ​ർ​വി​സി​നാ​യി ഉ​പ​യോ​ഗി​ക്കു​ക​യെ​ന്ന്​ ക​മ്പ​നി​യി​ലെ ഏ​ക വ​നി​ത എ​ൻ​ജി​നീ​യ​റാ​യ ഖോ​ലൂ​ദ്​ അ​ൽ മ​സ്​​റൂ​യി വെ​ളി​പ്പെ​ടു​ത്തി.

ട്രെ​യി​നി​ന്‍റെ രൂ​പ​വും അ​ക​ത്തെ സൗ​ക​ര്യ​ങ്ങ​ളും വെ​ളി​പ്പെ​ടു​ത്തു​ന്ന വി​ഡി​യോ​യും ഇ​വ​ർ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ച്ചു. ട്രെ​യി​നി​ൽ ഇ​ക്ക​ണോ​മി​ക്​ ക്ലാ​സ്, ബി​സി​ന​സ്​ ക്ലാ​സ്​ എ​ന്നി​ങ്ങ​നെ ര​ണ്ട്​ വി​ഭാ​ഗ​ങ്ങ​ളാ​ണു​ണ്ടാ​വു​ക. ബി​സി​ന​സ്​ ക്ലാ​സ്​ ക​മ്പാ​ർ​ട്ട്​​മെ​ന്‍റി​ൽ 16 സീ​റ്റു​ക​ളും ഇ​ക്ക​ണോ​മി​ക്​ ക്ലാ​സ്​ ക​മ്പാ​ർ​ട്ട്​​മെ​ന്‍റി​ൽ 56 സീ​റ്റു​ക​ളു​മു​ണ്ടാ​കും. ഓ​രോ ട്രെ​യി​നി​ലും എ​ത്ര ക​മ്പാ​ർ​ട്ട്​​മെ​ന്‍റ്​ വീ​തം ഉ​ണ്ടാ​കു​മെ​ന്ന്​ വ്യ​ക്​​ത​മാ​ക്കി​യി​ട്ടി​ല്ല.

ഇ​ത്തി​ഹാ​ദ്​ പ​രി​ച​യ​പ്പെ​ടു​ത്തു​ന്ന വി​ഡി​യോ പ​ര​മ്പ​ര​യി​ലെ ആ​റാ​മ​​​ത്തേ​താ​ണ്​ ക​ഴി​ഞ്ഞ ദി​വ​സം പു​റ​ത്തു​വി​ട്ട​ത്. പ്ര​മു​ഖ ക​ണ്ട​ന്‍റ്​ നി​ർ​മാ​താ​വാ​യ ശി​ഹാ​ബ്​ അ​ൽ ഹ​ഷ്മി, എ​ൻ​ജി​നീ​യ​ർ ഖോ​ലൂ​ദ്​ അ​ൽ മ​സ്​​റൂ​യി, ലോ​ക്കോ പൈ​ല​റ്റ്​ ഇ​ബ്രാ​ഹിം അ​ൽ ഹ​മ്മാ​ദി എ​ന്നി​വ​രാ​ണ്​ പ​രീ​ക്ഷ​ണ ഓ​ട്ട​ത്തി​ൽ ട്രെ​യി​നി​ലു​ള്ള​ത്.

മ​ണി​ക്കൂ​റി​ൽ 200 കി​ലോ​മീ​റ്റ​ർ വേ​ഗ​ത്തി​ൽ സ​ഞ്ച​രി​ക്കു​മെ​ങ്കി​ലും യാ​ത്ര​ക്കാ​ർ​ക്ക്​ അ​ത്​ അ​നു​ഭ​വ​പ്പെ​ടി​ല്ലെ​ന്ന് ഖോ​ലൂ​ദ്​ പ​റ​ഞ്ഞു. ഫു​ജൈ​റ​യി​ലെ സ​കം​ക്കം, ഷാ​ർ​ജ​യി​ലെ യൂ​നി​വേ​ഴ്​​സി​റ്റി സി​റ്റി എ​ന്നി​വി​ട​ങ്ങ​ളി​ലാ​യി ര​ണ്ട്​ സ്​​റ്റേ​ഷ​നു​ക​ളാ​യി​രി​ക്കും ട്രെ​യി​നി​ന്​ ഉ​ണ്ടാ​വു​ക​യെ​ന്ന്​ നേ​ര​ത്തെ ഗ്ലോ​ബ​ൽ റെ​യി​ൽ കോ​ൺ​ഫ​റ​ൻ​സി​ൽ ക​മ്പ​നി​യു​ടെ മു​തി​ർ​ന്ന വ​ക്താ​വ്​ സ്ഥി​രീ​ക​രി​ച്ചി​രു​ന്നു. ട്രെ​യി​​നി​ന്​ ചാ​ര നി​റ​മാ​ണ്​ വി​ഡി​യോ​യി​ൽ കാ​ണു​ന്ന​ത്. വൈ ​ഫൈ ഉ​ൾ​പ്പെ​ടെ​യു​ള്ള സൗ​ക​ര്യ​ങ്ങ​ൾ ക​മ്പാ​ർ​ട്ട്​​മെ​ന്‍റി​ൽ സ​ജ്ജീ​ക​രി​ച്ചി​ട്ടു​ണ്ട്.

900 കി​ലോ​മീ​റ്റ​ർ നീ​ള​മു​ള്ള പാ​സ​ഞ്ച​ർ ട്രെ​യി​ൻ പ​ദ്ധ​തി പൂ​ർ​ത്തി​യാ​കു​ന്ന​തോ​ടെ ഏ​ഴ്​ എ​മി​റേ​റ്റു​ക​ളി​ലാ​യി 11 പ്ര​ധാ​ന ന​ഗ​ര​ങ്ങ​ളി​ലൂ​ടെ യാ​ത്ര ചെ​യ്യാ​നാ​വും. പ​ദ്ധ​തി പൂ​ർ​ത്തി​യാ​യാ​ൽ അ​യ​ൽ രാ​ജ്യ​ങ്ങ​ളു​മാ​യി ബ​ന്ധി​പ്പി​ച്ച്​ ട്രെ​യി​​ൻ സ​ർ​വി​സ്​ തു​ട​ങ്ങു​ന്ന ആ​ദ്യ ഗ​ൾ​ഫ്​ രാ​ജ്യ​മാ​യും യു.​എ.​ഇ മാ​റും.