ഷാര്‍ജ: ഷാര്‍ജ അല്‍ നഹ്ദയില്‍ സഫീര്‍ മാളിന് സമീപത്തുള്ള റിഗ് റോഡില്‍ ഓടിക്കൊണ്ടിരുന്ന കാറിന് തീപിടിച്ചു.
അപകടം അറിഞ്ഞ ഉടനെ വാഹനം നിറുത്തി യാത്രക്കാര്‍ ഇറങ്ങി ഓടിയതിനാല്‍ വന്‍ദുരന്തം വഴിമാറി.
പാകിസ്താന്‍ സ്വദേശികളായിരുന്നു വാഹനത്തില്‍. ചൊവ്വാഴ്ച പകല്‍ 3.45നായിരുന്നു അപകടം. ഷാര്‍ജയില്‍ നിന്ന് ദുബൈ ദിശയിലേക്ക് പോകുകയായിരുന്ന വെള്ള കൊറോള കാറാണ് സഫീര്‍ മാളിനടുത്തുള്ള സിഗ്നലിന് സമീപത്ത് വെച്ച് കത്തിയത്. സംഭവ സമയം നിരവധി വാഹനങ്ങള്‍ നിരത്തില്‍ ഉണ്ടായിരുന്നെങ്കിലും ഇവയിലെക്കൊന്നും തീപടര്‍ന്നില്ല. അപകടം അറിഞ്ഞ ഉടനെ പൊലീസ്, സിവില്‍ഡിഫന്‍സ്, പാരമെഡിക്കല്‍ വിഭാഗങ്ങള്‍ സംഭവ സ്ഥലത്തത്തെി രക്ഷാപ്രവര്‍ത്തനം നടത്തി.
വാഹനത്തില്‍ നിന്ന് യന്ത്രഭാഗങ്ങള്‍ പൊട്ടിത്തെറിക്കാന്‍ തുടങ്ങിയതോടെ മാളിലേക്കും മറ്റും തീ പടരാതിരിക്കാന്‍ സിവില്‍ഡിഫന്‍സ് മുന്‍കരുതലെടുത്തു. അപകട കാരണം അറിവായിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.