കെ.എം.സി.സി നാട്ടികയുടെ ഫുട്ബാൾ ടീം ‘വിഗൊറസ് എഫ്.സി നാട്ടിക’ ലോഗോ പ്രകാശനം ചെയ്യുന്നു
ദുബൈ: കെ.എം.സി.സി നാട്ടിക മണ്ഡലം വനിതാ കമ്മിറ്റി രൂപവത്കരണവും നാട്ടിക സർഗധാരയുടെ കീഴിൽ ഫുട്ബാൾ ടീമിന്‍റെ പ്രഖ്യാപനവും നവംബർ 16ന് അൽതവാർ പാർക്കിൽ നടന്നു.
മണ്ഡലം പ്രസിഡന്‍റ് ബഷീർ സൈദുവിന്‍റെ അധ്യക്ഷതയിൽ നടന്ന സംഗമത്തിൽ മുസ്ലിം ലീഗ് തൃശൂർ ജില്ല പ്രസിഡന്‍റ് സി.എ. മുഹമ്മദ് റഷീദ് ഉദ്ഘാടനം നിർവഹിച്ചു.
കെ.എം.സി.സി നാട്ടിക വനിത കമ്മിറ്റി പ്രഖ്യാപനം ദുബൈ കെ.എം.സി.സി വനിത വിങ് ജില്ല പ്രസിഡന്‍റ് റസിയ അബൂ ഷമീർ പ്രഖ്യാപിച്ചു.
ദുബൈ കെ.എം.സി.സി നാട്ടികയുടെ ഫുട്ബാൾ ടീം ‘വിഗൊറസ് എഫ്.സി നാട്ടിക’യുടെ നാമകരണവും ലോഗോ പ്രകാശനവും ചടങ്ങിൽ നടന്നു. ന്യൂസിലൻഡിൽ നടന്ന എയർലൈൻ റോഡ് റേസിൽ 200, 400 മീറ്റർ ഓട്ട മത്സരങ്ങളിൽ ഒന്നും രണ്ടും സ്ഥാനങ്ങൾ നേടിയ നിയാസ് കബീർ ഇടശ്ശേരിയെ സി.എ. മുഹമ്മദ് റഷീദ് മെമന്‍റോ നൽകി ആദരിച്ചു. കെ.എം.സി.സി ജില്ല വൈസ് പ്രസിഡന്‍റ് ഷമീർ അബു, ജില്ല സെക്രട്ടറി മുഹമ്മദ് ഹനീഫ്, സർഗധാര കൺവീനർ ഷക്കീർ ഉപ്പാട്ട് എന്നിവർ സംസാരിച്ചു.
മണ്ഡലം വൈസ് പ്രസിഡന്‍റ് മുഹമ്മദ് സലീം, ജോ. സെക്രട്ടറിമാരായ മനാഫ് മുഹമ്മദ്, ഷമീർ ശാന്തിപുരത്ത്, സർഗധാര ടീം അംഗങ്ങളായ ഷാഹുൽ ഉപ്പാട്ട്, ബദറുദ്ദീൻ, സുൽഫികർ തളിക്കുളം, താജുദ്ദീൻ, അനസ് എന്നിവർ സംഗമത്തിന് നേതൃത്വം നൽകി. ജനറൽ സെക്രട്ടറി മുബഷിർ ഉസ്മാൻ സ്വാഗതവും അബ്ദുൽ സത്താർ പട്ടാട്ട് നന്ദിയും അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.