ഷാർജ: യു.എ.ഇയുടെ 53ാമത് ദേശീയദിനം ഡിസംബർ മൂന്നിന് ആഘോഷിക്കുമെന്ന് ഇന്ത്യൻ അസോസിയേഷൻ ഷാർജ (ഐ.എ.എസ്) ഭാരവാഹികൾ വാർത്താകുറിപ്പിൽ അറിയിച്ചു. വൈകുന്നേരം ഏഴിന് ഐ.എ.എസ് കമ്യൂണിറ്റി ഹാളിലാണ് പരിപാടി സംഘടിപ്പിക്കുന്നത്. യു.എ.ഇ ദേശീയദിനം, അഭിമാനത്തോടെയും സന്തോഷത്തോടെയും ആഘോഷിക്കാൻ സമൂഹത്തെ ഒന്നിപ്പിക്കുന്ന അവിസ്മരണീയമായ ആഘോഷമായി ഇത് മാറും.
ഷാർജയിലെ ഇന്ത്യൻ കമ്യൂണിറ്റിയിലെ സമ്പന്നമായ വൈവിധ്യത്തെ എടുത്തുകാണിക്കുന്ന വിധത്തിലുള്ള കലാ പരിപാടികൾ വൈകീട്ട് ഏഴിന് എസ്.ഐ.എസ് ഗുബൈബ, എസ്.ഐ.എസ് ജുവൈസ തുടങ്ങിയ വിദ്യാർഥികളെ ഉൾപ്പെടുത്തി സംഘടിപ്പിക്കും.
പ്രസിഡന്‍റ് നിസാർ തളങ്കര അധ്യക്ഷത വഹിക്കുന്ന ആഘോഷ പരിപാടിയിൽ ആക്ടിങ് ജനറൽ സെക്രട്ടറി ജിബി ബേബി സ്വാഗതം ആശംസിക്കും. ഓഫിസ് ജീവനക്കാരും മാനേജിങ് കമ്മിറ്റി അംഗങ്ങളും ആഘോഷത്തിന് നേതൃത്വം നൽകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.