കിഴുപ്പിള്ളിക്കര പ്രവാസി അസോസിയേഷൻ വാർഷികാഘോഷത്തോടനുബന്ധിച്ച് അമ്മമാരെ ആദരിച്ചപ്പോൾ
അജ്മാൻ: കിഴുപ്പിള്ളിക്കര പ്രവാസി അസോസിയേഷൻ 15ാം വാർഷികം ആഘോഷിച്ചു. അജ്മാൻ ഇൻറർനാഷനൽ കോളജിൽ നടന്ന ചടങ്ങ് മുസ്‌ലിം ലീഗ് തൃശൂർ ജില്ല പ്രസിഡന്റ് സി.എ. അബ്ദുൽ റഷീദ് ഉദ്ഘാടനം ചെയ്തു. ചടങ്ങിൽ അഷ്‌റഫ്‌ താമരശ്ശേരിയെ ആദരിച്ചു. നടൻ ഫൈസൽ റാസിയും പിന്നണി ഗായിക നിസാർ വയനാടും വിശിഷ്ടാതിഥികളായി. കിഴുപ്പിള്ളിക്കരയിൽനിന്ന് യു.എ.ഇയിലെത്തിയ ഏഴോളം അമ്മമാരെയും അക്കാദമിക് രംഗത്ത് ഉന്നത വിജയം കൈവരിച്ച പ്രതിഭകളെയും സമൂഹ മാധ്യമ രംഗത്ത് തിളങ്ങി നിൽക്കുന്ന കിഴുപ്പിള്ളിക്കര നിവാസികളായ താരങ്ങളെയും ചടങ്ങിൽ ആദരിച്ചു.
സ്നേഹ സൗഹൃദ സംഗമം ചെയർമാൻ സൈമൺ തേക്കാനത്ത്, കൺവീനർമാരായ സദാശിവൻ വൈക്കത്ത്, പൃബിൻ കല്ലിങ്ങൽ, അസോസിയേഷൻ പ്രസിഡന്റ് യൂനസ് തെരുവത്ത്, സെക്രട്ടറി സലാം ചിറപ്പറമ്പിൽ, ട്രഷറർ ബഷീർ കരിപ്പാംകുളം, രക്ഷാധികാരികളായ അറ്റ്ലസ് ഗ്രൂപ് ഓഫ് ഇൻസ്റ്റിറ്റ്യൂഷൻ ചെയർമാൻ മുഹമ്മദ് മുൻസീർ, മെഡ് 7 ഹെൽത്ത് കെയർ ഗ്രൂപ് ഡയറക്ടർ നൗഫൽ പൂവാംപറമ്പിൽ, എക്സിക്യൂട്ടിവ് മെംബർമാരായ സിറാജുദ്ദിൻ ഹസ്സൻ, ഫൈസൽ ഉസ്മാൻ, ജബ്ബാർ ചിറപ്പറമ്പിൽ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.