മടപ്പള്ളി ഗവൺമെന്റ് കോളജ് അലുമ്നി യു.എ.ഇ ചാപ്റ്റർ ഓണാഘോഷത്തിന്റെ ഉദ്ഘാടനച്ചടങ്ങ്
ദുബൈ: മടപ്പള്ളി ഗവൺമെന്റ് കോളജ് അലുമ്നി യു.എ.ഇ ചാപ്റ്റർ (എം.ജി.സി.എ) ഓണാഘോഷം സംഘടിപ്പിച്ചു. ദേരയിലെ മാർക്കോപോളോ ഹോട്ടലിൽ നടന്ന ആഘോഷ പരിപാടിയിൽ നിരവധി പേർ പങ്കെടുത്തു. പ്രസിഡന്‍റ് കിഷൻ കുമാർ അധ്യക്ഷത വഹിച്ചു.
പ്രശസ്ത പൾമണോളജിസ്റ്റ് ഡോ. മുഹമ്മദ്‌ ഹാരിസ് ഉദ്ഘാടനം ചെയ്തു. അക്കാഫ് പ്രസിഡന്‍റ് ചാൾസ് പോൾ മുഖ്യാതിഥിയായി. സെക്രട്ടറി സൂരജ് സ്വാഗതം പറഞ്ഞു. ജനറൽ കൺവീനർ സിറാജ് ഒഞ്ചിയത്തിന്‍റെ നേതൃത്വത്തിൽ ജോയന്റ് കൺവീനർമാരായ ബാൽജിത് എടത്തിൽ, റമൽ നാരായണൻ തുടങ്ങിയവർ പരിപാടികൾ നിയന്ത്രിച്ചു.
ഓണസദ്യയും ഒരുക്കിയിരുന്നു. റിട്ട. അധ്യാപിക ലീലാമ്മ ടീച്ചർ, മുതിർന്ന അംഗവും അക്കാഫ് സെക്രട്ടറിയുമായ കെ.വി. മനോജ് എന്നിവരെ ഡോ. മുഹമ്മദ്‌ ഹാരിസും എക്സിക്യൂട്ടിവ് അംഗങ്ങളും ചേർന്ന് ആദരിച്ചു. അകാഫ് കാമ്പസ് ഓണം പരിപാടിയിൽ നാടൻ പാട്ടിലും സംഘനൃത്തത്തിലും ഒന്നും രണ്ടും സ്ഥാനങ്ങൾ നേടിയ പൂർവവിദ്യാർഥികളെ ചടങ്ങിൽ അനുമോദിച്ചു.
അകാഫ് ഇവന്‍റ്സ് പ്രസിഡന്‍റ് ചാൾസ് പോൾ, ജനറൽ സെക്രട്ടറി വി.എസ്. ബിജു കുമാർ, ട്രഷറർ ജൂഡിൻ ഫെർണാണ്ടസ്, അകാഫ് കാമ്പസ് ഓണം ജനറൽ കൺവീനർ ഷെകീർ ഹുസൈൻ തുടങ്ങിയവർ ആശംസകൾ നേർന്നു. ചടങ്ങിൽ എം.ജി.സി.എ മുതിർന്ന അംഗവും ജോയന്റ് ട്രഷററുമായ പുഷ്പജൻ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.