ദുബൈ: യു.എ.ഇ ദേശീയ ദിനം ദുബൈയിലെ ഏറ്റവും വലിയ ഇൻഡോർ തീം പാർക്കായ ഐ.എം.ജി വേൾഡിലും ആഘോഷിക്കും. ഇന്ന് മുതൽ ഡിസംബർ നാലു വരെയാണ് ആഘോഷം. യു.എ.ഇയുടെ സംസ്‌കാരം പ്രദർശിപ്പിക്കുന്ന പരമ്പരാഗത സൂഖ് സ്ഥാപിക്കും. സന്ദർശകർക്ക് അറബ് ടെൻറുകളിൽ നടക്കുന്ന വൈവിധ്യമാർന്ന ഓഫറുകളും പ്രകടനങ്ങളും ആസ്വദിക്കാം. ഇമാറാത്തി ഭക്ഷണവും ഇവിടെ സന്ദർശകരെ കാത്തിരിക്കുന്നു. അറബിക് ചായ, കാപ്പി, ലുഖൈമത്ത് തുടങ്ങിയ ഭക്ഷണവിഭവങ്ങളെല്ലാം സൂഖിൽ ലഭിക്കും. കാരിക്കേച്ചർ കലാകാരൻമാർ, ടാറ്റൂ കലാകാരൻമാർ തുടങ്ങിയവരുടെ കലാസൃഷ്ടികൾ പ്രദർശിപ്പിക്കും. സന്ദർശകർക്കായി തത്സമയം ചിത്രങ്ങൾ വരച്ച് നൽകും. തത്സമയ സംഗീതം, അറബിക് വോക്കൽ പ്രകടനങ്ങൾ, ദിവസം മുഴുവൻ മാജിക് ഷോകൾ എന്നിവയുണ്ടാകും. www.IMGworlds.com എന്ന സൈറ്റിൽ നിന്നോ പാർക്കിലെ കൗണ്ടറുകളിൽ നിന്നോ ടിക്കറ്റുകൾ വാങ്ങാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.