ദുബൈ: ഒമാന്‍റെ 52ാം ദേശീയദിനാഘോഷം വിപുലമായ ചടങ്ങുകളോടെ ഹത്ത ബോർഡറിൽ നടന്നു. ദുബൈ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ്‌ അഫയേഴ്സാണ് ആഘോഷച്ചടങ്ങുകൾ സംഘടിപ്പിച്ചത്.
അതിർത്തിയിലെ എമിഗ്രേഷൻ 'ചെക്ക് ഇൻ' പോയന്‍റ് പരിസരത്ത് നടന്ന പരിപാടിയിൽ ജി.ഡി.ആർ.എഫ്.എ ദുബൈ മേധാവി ലഫ്. ജനറൽ മുഹമ്മദ് അഹ്‌മദ്‌ അൽ മർറി, ഉപമേധാവി മേജർ ജനറൽ ഉബൈദ് മുഹൈർ ബിൻ സുറൂർ, ഒമാൻ ഉന്നത ഉദ്യോഗസ്ഥർ അടക്കം നിരവധി പേർ സംബന്ധിച്ചു. ചടങ്ങുകൾക്ക് നിറംപകർന്ന് ഇരുരാജ്യങ്ങളിലെയും നാടൻ കലാരൂപങ്ങളും മറ്റു പരിപാടികളും നടന്നു. യു.എ.ഇയുടെയും ഒമാന്‍റെയും ദേശീയചിഹ്നങ്ങളും കൊടിതോരണങ്ങളും കൊണ്ട് ഹത്ത ബോർഡറിലെ പാതയോരങ്ങൾ പ്രത്യേകം അലങ്കരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.