പുന്നോൽ മഹല്ല് പ്രവാസി കൂട്ടായ്മയുടെ കുടുംബ സംഗമത്തിൽ പങ്കെടുത്തവർ
അജ്മാൻ: പുന്നോൽ മഹല്ല് പ്രവാസി കൂട്ടായ്മ കുടുംബ സംഗമം സംഘടിപ്പിച്ചു. ഹീലിയോ ഫാം ഹൗസിൽ നടന്ന സംഗമത്തിൽ ചെയർമാൻ ബി.എൻ ഫൈസൽ അധ്യക്ഷത വഹിച്ചു. കൂട്ടായ്മ മഹല്ലിൽ ജാതിമതഭേദമന്യേ നടത്തുന്ന ജീവകാരുണ്യ പ്രവർത്തനങ്ങളെയും പാലിയേറ്റീവ് മെഡിക്കൽ ഉപകരണങ്ങളുടെ വിതരണ പ്രവർത്തനങ്ങളെ സംബന്ധിച്ചും നാസിം പുന്നോൽ, ഷാനവാസ്‌ മണിയിൽ എന്നിവർ സംസാരിച്ചു. സാമൂഹിക പ്രവർത്തകനായ പുത്തൻ പുരയിൽ രമേശിനെ ആദരിച്ചു. അബ്ദുറഹ്മാൻ പി.സി, മുഹമ്മദ്‌ റാഫി എന്നിവർ ആശംസകൾ നേർന്നു.രാവിലെ 10 മുതൽ രാത്രി 10 വരെ നടന്ന ചടങ്ങുകളിൽ യു.എ.ഇയിലെ എല്ലാ എമിറേറ്റുകളിലെയും മുന്നോറോളം പേർ പങ്കെടുത്തു
കലാ-കായിക മത്സരങ്ങളിലും ക്വിസ് മത്സരത്തിലും മഹല്ല് -കുടുംബാംഗങ്ങൾ പങ്കെടുത്തു.
ദുബൈയിലെ എടരിക്കോട് മാപ്പിള കലാസംഘം അവതരിപ്പിച്ച ‘വട്ടപ്പാട്ട്’മാറ്റ്കൂട്ടി.മുഹമ്മദ്‌ മനോളി, ത്വാഹ, ഫസൽ റഹ്‌മാൻ, മുജീബ് റഹ്‌മാൻ, തമീം, ഫിർസാദ്, ഷിജിൻ അഷ്‌റഫ്‌, നൗഷാദ് ബി.എൻ, മൂസ എ.വി, മുഹമ്മദ്‌ കാട്ടിൽ പീടിക, നിയാസ് ആന, കെ.പി. റാസിഖ്, റഷീദ് പറക്കാട്ട് എന്നിവർ നേതൃത്വം നൽകിയ പരിപാടിക്ക് സൽമാൻ ഫാരിസ് സ്വാഗതവും ഫാറൂഖ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.