ശൈ​ത്യ അ​വ​ധി​ക്ക് ശേ​ഷം വി​ദ്യാ​ല​യ​ങ്ങ​ൾ നാ​ളെ തു​റ​ക്കും

ഷാ​ർ​ജ: യു.​എ.​ഇ​യി​ലെ വി​ദ്യാ​ല​യ​ങ്ങ​ൾ ശൈ​ത്യ​കാ​ല അ​വ​ധി​ക്ക് ശേ​ഷം നാ​ളെ തു​റ​ക്കും. ഡി​സം​ബ​ർ 13മു​ത​ലാ​ണ് വി​ദ്യാ​ല​യ​ങ്ങ​ൾ​ക്ക് ശൈ​ത്യ​കാ​ല അ​വ​ധി ആ​രം​ഭി​ച്ച​ത്. ഷാ​ർ​ജ​യി​ലെ വി​ദ്യാ​ല​യ​ങ്ങ​ൾ അ​ട​ക്കം ചി​ല വി​ദ്യാ​ല​യ​ങ്ങ​ളി​ൽ ര​ണ്ട് ആ​ഴ്ച​മാ​ത്ര​മാ​യി​രു​ന്നു അ​വ​ധി. ക്രി​സ്മ​സ് ആ​ഘോ​ഷ​ത്തി​നും പു​തു​വ​ർ​ഷാ​ഘോ​ഷ​ത്തി​നും ശേ​ഷം 2025 വ​ർ​ഷ​ത്തെ ആ​ദ്യ അ​ധ്യ​യ​ന ദി​ന​ത്തി​ൽ വി​ദ്യാ​ർ​ത്ഥി​ക​ൾ നാ​ളെ വി​ദ്യാ​ല​യ​ങ്ങ​ളി​ൽ എ​ത്തി​ച്ചേ​രും. ഏ​ഷ്യ​ൻ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളി​ൽ അ​വ​സാ​ന പാ​ദ​ത്തി​ന്റെ ആ​ദ്യ ദി​ന​മാ​ണ് നാ​ളെ. ഏ​ഷ്യ​ൻ വി​ദ്യാ​ല​യ​ങ്ങ​ളി​ൽ വാ​ർ​ഷി​ക പ​രീ​ക്ഷ​ക​ളു​ടെ​യും പ​ഠ​ന പ്ര​വ​ർ​ത്ത​ന​ങ്ങ​ളു​ടെ​യും കാ​ല​മാ​ണ്. സി.​ബി.​എ​സ്.​ഇ പ​ത്ത്, പ​ന്ത്ര​ണ്ട് ക്ലാ​സു​ക​ളി​ലെ ബോ​ർ​ഡ് പ​രീ​ക്ഷ​ക​ൾ ഫെ​ബ്രു​വ​രി പ​കു​തി​യോ​ടെ ആ​രം​ഭി​ക്കും. ഇ​തേ ക്ലാ​സു​ക​ളി​ലെ പ്രാ​യോ​ഗി​ക പ​രീ​ക്ഷ​ക​ൾ ജ​നു​വ​രി 6 മു​ത​ൽ ത​ന്നെ തു​ട​ങ്ങു​ന്നു​ണ്ട്. കേ​ര​ള പാ​ഠ്യ​പ​ദ്ധ​തി പി​ന്തു​ട​രു​ന്ന സ്കൂ​ളു​ക​ളി​ൽ മാ​ർ​ച്ച് മൂ​ന്നി​നാ​ണ് 10, 12 ക്ലാ​സു​ക​ളി​ലെ പ​രീ​ക്ഷ. മ​റ്റു ക്ലാ​സു​ക​ളി​ലെ വാ​ർ​ഷി​ക പ​രീ​ക്ഷ​ക​ൾ മാ​ർ​ച്ച് മാ​സ​ത്തി​ലാ​ണ് ന​ട​ക്കു​ക. ഏ​ഷ്യ​ൻ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളി​ൽ വാ​ർ​ഷി​ക പ​രീ​ക്ഷ​ക​ൾ​ക​ളും മാ​ർ​ച്ച്‌ മാ​സ​ത്തി​ൽ ന​ട​ക്കും.

യു.​എ.​ഇ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളി​ലും ഏ​ഷ്യ​ൻ ഇ​ത​ര പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളി​ലും ര​ണ്ടാം പാ​ദ​ത്തി​ന്റെ ആ​രം​ഭ​മാ​ണ് നാ​ളെ. ഏ​ഷ്യ​ൻ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ൾ വാ​ർ​ഷി​ക പ​രീ​ക്ഷ​ക​ൾ​ക്ക് ശേ​ഷ​വും യു.​എ.​ഇ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളും ഏ​ഷ്യ​ൻ ഇ​ത​ര പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളും ര​ണ്ടാം പാ​ദ​ത്തി​ന് ശേ​ഷ​വും മാ​ർ​ച്ച് പ​കു​തി​യോ​ടെ വ​സ​ന്ത​കാ​ല അ​വ​ധി​ക്കാ​യി അ​ട​ക്കും. അ​വ​ധി​ക്കാ​ലം ആ​ഘോ​ഷി​ക്കാ​ൻ നാ​ട്ടി​ലേ​ക്ക് പോ​യ​വ​രും വി​നോ​ദ യാ​ത്ര​ക്കാ​യി മ​റ്റു രാ​ജ്യ​ങ്ങ​ളി​ലേ​ക് പോ​യ​വ​രും തി​രി​കെ​യെ​ത്തി തു​ട​ങ്ങി. കേ​ര​ള​ത്തി​ൽ​നി​ന്ന് യു.​എ.​ഇ​യി​ലേ​ക്കു​ള്ള വി​മാ​ന​നി​ര​ക്കി​ൽ ഈ ​അ​ടു​ത്ത ദി​വ​സ​ങ്ങ​ളി​ൽ കാ​ര്യ​മാ​യി കു​റ​വ് വ​രു​ത്തി​യ​ത് പ്ര​വാ​സി​ക​ൾ​ക്ക് അ​നു​ഗ്ര​ഹ​മാ​യി​ട്ടു​ണ്ട്.