ദുബൈ: ക്രിക്കറ്റ് കളിക്കിടെ പന്ത് കൊണ്ട് കണ്ണിന് ഗുരുതരമായി പരിക്കേറ്റ ഇന്ത്യക്കാരനായ 13കാരന് കാഴ്ചശക്തി വീണ്ടെടുത്ത് ആസ്റ്റര്‍ ഹോസ്പിറ്റല്‍. മൻഖൂൽ ആസ്റ്റര്‍ ഹോസ്പിറ്റലിലെ മെഡിക്കല്‍ സംഘം വിദഗ്ധ പരിചരണത്തിലൂടെ എട്ടാം ക്ലാസുകാരന്‍റെ കാഴ്ച തിരികെ നൽകിയത്.
അപ്പാര്‍ട്ട്മെന്‍റിന് സമീപമുള്ള പാര്‍ക്കിങ് സ്ഥലത്ത് സുഹൃത്തുക്കളോടൊപ്പം കളിക്കുന്നതിനിടെയാണ് അപകടം. പ്രാഥമിക ചികിത്സ നല്‍കിയെങ്കിലും കുട്ടിയുടെ കണ്ണിലെ ലക്ഷണങ്ങള്‍ വഷളായതിനാല്‍ ബർ ദുബൈയിലെ ആസ്റ്റര്‍ ക്ലിനിക്കിൽ എത്തിക്കുകയും ഇവിടെനിന്ന് വിദഗ്ധ ചികിത്സക്കായി മൻഖൂലിലെ ആസ്റ്റര്‍ ഹോസ്പിറ്റലിലേക്ക് റഫര്‍ ചെയ്യുകയുമായിരുന്നു.
ഒഫ്താല്‍മോളജിസ്റ്റ് ഡോ. ഗസാല ഹസന്‍ മന്‍സൂരി നടത്തിയ സമഗ്ര പരിശോധനയില്‍ വലിയതോതിലുള്ള റെറ്റിന കണ്ണുനീര്‍ സാന്നിധ്യവും ഇടതുകണ്ണില്‍ ഒന്നിലധികം റെറ്റിന പൊട്ടലും സ്ഥിരീകരിച്ചു. തുടർന്ന് ലേസര്‍ ചികിത്സയിലൂടെ നടപടിക്രമം വേഗത്തില്‍ പൂര്‍ത്തിയായതിനാല്‍ കുട്ടിയെ അതേദിവസം തന്നെ ഡിസ്ചാര്‍ജ് ചെയ്യാന്‍ സാധിച്ചു.
തുടര്‍ന്നുള്ള വിലയിരുത്തലുകളോടെ ലേസര്‍ ചികിത്സ ഫലപ്രദമായി റെറ്റിനയുടെ കണ്ണുനീര്‍ പ്രവാഹം സുഖപ്പെടുത്തുകയും ഈ സാഹചര്യം തുടര്‍ന്നുണ്ടാവില്ലെന്ന് സ്ഥിരീകരിക്കുകയും ചെയ്തു. കുട്ടി തുടര്‍ന്ന് സ്വന്തം നാട്ടില്‍ തിരിച്ചെത്തുകയും കൂടുതല്‍ തുടര്‍ പരിചരണത്തോടെ സുഖം പ്രാപിക്കുകയും ചെയ്തു.
ലേസര്‍ ചികിത്സിച്ച എല്ലാ ഭാഗങ്ങളും പൂർണമായും സുഖപ്പെട്ടതോടെ കുട്ടിയുടെ കാഴ്ച പൂർണമായും സാധാരണനിലയിലായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.