ജന്മഗ്രാമത്തിൽ സുൽത്താൻ അൽ നിയാദിക്ക്​ ഊഷ്മള സ്വീകരണം

അ​ബൂ​ദ​ബി: ദീ​ർ​ഘ​കാ​ല ബ​ഹി​രാ​കാ​ശ ദൗ​ത്യം പൂ​ർ​ത്തി​യാ​ക്കി​യ ശേ​ഷം ജ​ന്മ​ഗ്രാ​മ​ത്തി​ലെ​ത്തി​യ സു​ൽ​ത്താ​ൻ അ​ൽ നി​യാ​ദി​ക്ക്​ ഊ​ഷ്മ​ള സ്വീ​ക​ര​ണം.

അ​ൽ​ഐ​നി​ലെ ഉ​മ്മു ഗ​ഫാ പ്ര​ദേ​ശ​ത്താ​ണ്​ ക​ഴി​ഞ്ഞ ദി​വ​സം സ്വീ​ക​ര​ണ ച​ട​ങ്ങ്​ ഒ​രു​ക്കി​യ​ത്. പ​ര​മ്പ​രാ​ഗ​ത അ​റ​ബ്​ നൃ​ത്ത​ച്ചു​വ​ടു​ക​ളോ​ടെ​യാ​ണ്​ വ​ലി​യ ജ​ന​ക്കൂ​ട്ടം അ​ൽ നി​യാ​ദി​യെ സ്വീ​ക​രി​ച്ച​ത്. കു​ട്ടി​ക​ളും മു​തി​ർ​ന്ന​വ​രു​മാ​യ നാ​ട്ടു​കാ​രെ അ​ഭി​വാ​ദ്യം​ചെ​യ്ത്​ ദീ​ർ​ഘ​നേ​രം വേ​ദി​യി​ൽ അ​ദ്ദേ​ഹം ചി​ല​വ​ഴി​ച്ചു. അ​ൽ നി​യാ​ദി​ക്കൊ​പ്പം മു​ഹ​മ്മ​ദ്​ ബി​ൻ റാ​ശി​ദ്​ ബ​ഹി​രാ​കാ​ശ കേ​ന്ദ്രം ചെ​യ​ർ​മാ​ൻ ഹ​മ​ദ്​ ഉ​ബൈ​ദ്​ അ​ൽ മ​ൻ​സൂ​രി, വൈ​സ്​ ചെ​യ​ർ​മാ​ൻ യൂ​സു​ഫ്​ ഹ​മ​ദ്​ അ​ൽ ശൈ​ബാ​നി, ഡ​യ​റ​ക്ട​ർ ജ​ന​റ​ൽ സാ​ലിം ഹു​മൈ​ദ്​ അ​ൽ മ​ർ​റി എ​ന്നി​വ​രും ച​ട​ങ്ങി​ൽ പ​​ങ്കെ​ടു​ത്തു.

യു.​എ.​ഇ​യു​ടെ ആ​ദ്യ ബ​ഹി​രാ​കാ​ശ യാ​ത്രി​ക​നാ​യ ഹ​സ്സ അ​ൽ മ​ൻ​സൂ​രി​യും ച​ട​ങ്ങി​ൽ അ​ൽ നി​യാ​ദി​ക്കൊ​പ്പ​മു​ണ്ടാ​യി​രു​ന്നു. നേ​ര​ത്തേ ത​ന്നെ ഉ​മ്മു ഗ​ഫാ​യി​ലെ തെ​രു​വു​ക​ൾ അ​ദ്ദേ​ഹ​ത്തെ സ്വീ​ക​രി​ക്കാ​ൻ അ​ല​ങ്ക​രി​ച്ചി​രു​ന്നു. ആ​റു​മാ​സ​ത്തെ ബ​ഹി​രാ​കാ​ശ ദൗ​ത്യ​വും ഹ്യൂ​സ്റ്റ​നി​ൽ ര​ണ്ടാ​ഴ്ച നീ​ണ്ട ആ​രോ​ഗ്യ വീ​ണ്ടെ​ടു​പ്പി​നും ശേ​ഷം ഇ​മാ​റാ​ത്തി​ന്‍റെ അ​ഭി​മാ​ന​താ​രം ക​ഴി​ഞ്ഞ തി​ങ്ക​ളാ​ഴ്ച​യാ​ണ്​ യു.​എ.​ഇ​യി​ൽ എ​ത്തി​യ​ത്.

അ​ബൂ​ദ​ബി വി​മാ​ന​ത്താ​വ​ള​ത്തി​ൽ രാ​ഷ്​​ട്ര​നേ​താ​ക്ക​ളു​​ടെ നേ​തൃ​ത്വ​ത്തി​ൽ ഗം​ഭീ​ര സ്വീ​ക​ര​ണ​മാ​ണ്​ ഒ​രു​ക്കി​യി​രു​ന്ന​ത്. ബ​ഹി​രാ​കാ​ശ ദൗ​ത്യം പൂ​ർ​ത്തീ​ക​രി​ച്ച്​ സെ​പ്​​റ്റം​ബ​ർ 4നാ​ണ്​ യു.​എ​സി​ലെ ഫ്ലോ​റി​ഡ​യി​ൽ അ​ദ്ദേ​ഹം മ​ട​ങ്ങി​യെ​ത്തി​യ​ത്​.

ചി​കി​ത്സ​യും ശാ​സ്ത്ര പ​രീ​ക്ഷ​ണ​ങ്ങ​ളും പൂ​ർ​ത്തി​യാ​ക്കി 14 ദി​വ​സ​ത്തി​നു ശേ​ഷ​മാ​ണ്​ യു.​എ.​ഇ​യി​ലേ​ക്ക്​ മ​ട​ങ്ങി​യ​ത്. ഒ​രാ​ഴ്ച​യോ​ളം മാ​തൃ​രാ​ജ്യ​ത്ത്​ ചെ​ല​വ​ഴി​ക്കു​മെ​ന്നാ​ണ്​ അ​ധി​കൃ​ത​ർ നേ​ര​ത്തെ വെ​ളി​പ്പെ​ടു​ത്തി​യ​ത്.

പി​ന്നീ​ട്​ ശാ​സ്ത്ര പ​രീ​ക്ഷ​ണ​ങ്ങ​ൾ തു​ട​രു​ന്ന​തി​ന്​ ഹ്യൂ​സ്റ്റ​നി​ലേ​ക്ക്​ ത​ന്നെ മ​ട​ങ്ങും. 1981ൽ ​ജ​നി​ച്ച സു​ൽ​ത്താ​ൻ അ​ൽ നി​യാ​ദി ഉ​മ്മു ഗ​ഫാ പ്രൈ​മ​റി ബോ​യ്​​സ്​ സ്കൂ​ളി​ലും സെ​ക്ക​ൻ​ഡ​റി സ്കൂ​ളി​ലു​മാ​യാ​ണ്​ പ​ഠ​നം പൂ​ർ​ത്തി​യാ​ക്കി​യ​ത്.