ദു​ബൈ​യി​ൽ ല​ണ്ട​ൻ ടാ​ക്സി സ​ർ​വി​സ്​ ബോ​ൾ​ട്ട് ആ​പ്ലി​ക്കേ​ഷ​ൻ പ്ര​വ​ർ​ത്ത​നം തു​ട​ങ്ങി

ദു​ബൈ: ലോ​ക​ത്തെ വി​വി​ധ രാ​ജ്യ​ങ്ങ​ളി​ൽ പ്ര​വ​ർ​ത്തി​ക്കു​ന്ന ടാ​ക്സി ബു​ക്കി​ങ് മൊ​ബൈ​ൽ ആ​പ്ലി​ക്കേ​ഷ​നാ​യ ‘ബോ​ൾ​ട്ട്’ ദു​ബൈ​യി​ൽ പ്ര​വ​ർ​ത്ത​ന​മാ​രം​ഭി​ച്ചു. തു​ട​ക്ക​ത്തി​ൽ ആ​ഡം​ബ​ര ലി​മോ​സി​ൻ ടാ​ക്സി​ക​ൾ ബു​ക്ക് ചെ​യ്യാ​നാ​ണ് ഇ​തി​ൽ സൗ​ക​ര്യ​മു​ണ്ടാ​വു​ക. ല​ണ്ട​ൻ മോ​ഡ​ൽ ടാ​ക്സി​ക​ളും ഇ​തി​ൽ ഉ​ൾ​പ്പെ​ടും. 50 രാ​ജ്യ​ങ്ങ​ളി​ൽ 600ലേ​റെ ന​ഗ​ര​ങ്ങ​ളി​ൽ ടാ​ക്സി ബു​ക്കി​ങ് മു​ത​ൽ ഫു​ഡ് ഡെ​ലി​വ​റി സം​വി​ധാ​നം വ​രെ​യു​ള്ള ക​മ്പ​നി​യാ​ണ് ബോ​ൾ​ട്ട്.

ല​ക്ഷ​ക്ക​ണ​ക്കി​ന് വി​നോ​ദ​സ​ഞ്ചാ​രി​ക​ൾ എ​ത്തു​ന്ന ദു​ബൈ ന​ഗ​ര​ത്തി​ൽ ടാ​ക്സി ബു​ക്കി​ങ് കൂ​ടു​ത​ൽ സു​ഗ​മ​മാ​ക്കാ​ൻ ല​ക്ഷ്യ​മി​ട്ടാ​ണ് ദു​ബൈ ടാ​ക്സി കോ​ർ​പ​റേ​ഷ​ൻ ഇ​വ​രു​മാ​യി കൈ​കോ​ർ​ക്കു​ന്ന​തെ​ന്ന് കോ​ർ​പ​റേ​ഷ​ൻ സി.​ഇ.​ഒ മ​ൻ​സൂ​ർ അ​ൽ ഫ​ലാ​സി പ​റ​ഞ്ഞു. യു.​എ.​ഇ ദേ​ശീ​യ​ദി​ന​മാ​യ ഡി​സം​ബ​ർ ര​ണ്ട് മു​ത​ൽ ബോ​ൾ​ട്ട് ലി​മോ​സി​ൻ സ​ർ​വി​സ് ബു​ക്കി​ങ് ദു​ബൈ​യി​ൽ ആ​രം​ഭി​ച്ചി​രു​ന്നു. 160 ലി​മോ​സി​ൻ ക​മ്പ​നി​യി​ലെ 12000 ഡ്രൈ​വ​ർ​മാ​ർ ആ​പ്ലി​ക്കേ​ഷ​ന്‍റെ ഭാ​ഗ​മാ​യി​ട്ടു​ണ്ടെ​ന്ന് അ​ധി​കൃ​ത​ർ പ​റ​ഞ്ഞു.

അ​ടു​ത്ത​ഘ​ട്ട​ത്തി​ൽ സാ​ധാ​ര​ണ ടാ​ക്സി​ക​ളു​ടെ ബു​ക്കി​ങ്ങും ബോ​ൾ​ട്ടി​ലൂ​ടെ ആ​രം​ഭി​ക്കും. നി​ല​വി​ൽ ക​രീം ഉ​ൾ​പ്പെ​ടെ​യു​ള്ള ആ​പ്പു​ക​ൾ ദു​ബൈ​യി​ൽ ടാ​ക്സി ബു​ക്കി​ങ്​ സ​ർ​വി​സ്​ ന​ൽ​കി​വ​രു​ന്നു​ണ്ട്. എ​ന്നാ​ൽ, ആ​ഡം​ബ​ര കാ​റു​ക​ളാ​ണ്​ ബോ​ൾ​ട്ട്​ വാ​ഗ്ദാ​നം ചെ​യ്യു​ന്ന​ത്.