ദുബൈ: ലോകത്തെ വിവിധ പ്രധാനപ്പെട്ട വിദ്യാഭ്യാസ സ്ഥാപനങ്ങൾ ഒത്തുചേരുന്ന വിർച്വൽ എജുക്കേഷൻ എക്സ്പോയായ ഗൾഫ് മാധ്യമം 'എജുകഫേ'ക്ക് ആരവമുയരുന്നു. അറിവിന്‍റെ അനേകായിരം ജാലകവാതിലുകൾ തുറക്കുന്ന എക്സ്പോ ജനുവരി 28, 29 തീയതികളിലാണ് അരങ്ങേറുന്നത്. ഓൺലൈനായിട്ടാണ് ഇത്തവണത്തെ പരിപാടി.
കേരളത്തിന് പുറമെ ഗൾഫ് നാടുകളിലെ മുഴുവൻ വിദ്യാർഥികൾക്കും ഇതിൽ പങ്കെടുക്കാവുന്നതാണ്. ഇന്ത്യയിലെയും ജി.സി.സിയിലെയും വിദ്യാഭ്യാസ സ്ഥാപനങ്ങളുമായി ഇവർക്ക് നേരിട്ട് ആശയവിനിമയം നടത്താനും സൗകര്യമുണ്ടാകും.
വിഡിയോ കോൺഫറൻസ്, പ്രമുഖ വ്യക്തികൾ നയിക്കുന്ന മോട്ടിവേഷനൽ ക്ലാസുകൾ, ഉന്നത വിജയത്തിനാവശ്യമായ കൗൺസലിങ്, കോൺഫിഡൻസ് ബൂസ്റ്റിങ്, കരിയർ ഗൈഡൻസ്, തൊഴിൽ മേള എന്നിവയെല്ലാം പരിപാടിയുടെ ഭാഗമായി നടക്കും. ഇതോടൊപ്പം പ്രവേശന പരീക്ഷ, മോക് ടെസ്റ്റും എന്നിവയുമുണ്ടാകും.അധ്യാപകർക്കും രക്ഷിതാക്കൾക്കുമായുള്ള പ്രത്യേക സെഷനും പരിപാടിയുടെ പ്രത്യേകതയാണ്.
കഴിഞ്ഞവർഷങ്ങളിൽ ഗൾഫിലും കേരളത്തിലുമായി നടന്ന എജു കഫേകളിൽ നിരവധി വിദ്യാർഥികളും അധ്യാപകരും രക്ഷിതാക്കളുമാണ് പങ്കെടുത്തത്. ഇത്തവണ വ്യത്യസ്ത രാജ്യങ്ങളിൽ നിന്നായി വിവിധ സർവകലാശാലകളും പ്രശസ്തരായ ഫാക്കൽറ്റികളും പങ്കെടുക്കുന്നു. ഓൺലൈനായി രജിസ്റ്റർ ചെയ്യുന്നവർക്കാണ് പരിപാടിയിൽ പങ്കെടുക്കാനാവുക. പങ്കെടുക്കുന്ന വിദ്യാർഥികൾക്കും രക്ഷിതാക്കൾക്കും മികച്ച മാർഗനിർദേശവും വിജയത്തിലേക്കുള്ള വഴികാട്ടിയുമാകും പരിപാടി. രജിസ്ട്രേഷന്: http://registration.madhyamam.com
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.