പ്ര​വാ​സി സ​ഹാ​യ​ത്തി​ന്​ നൂ​ത​ന സം​വി​ധാ​ന​ങ്ങ​ളു​മാ​യി കോ​ൺ​സു​ലേ​റ്റ്​

ദു​ബൈ: പ്ര​വാ​സി​ക​ൾ​ക്ക്​ സേ​വ​ന​ങ്ങ​ൾ എ​ളു​പ്പ​ത്തി​ൽ ല​ഭ്യ​മാ​ക്കാ​ൻ ദു​ബൈ ഇ​ന്ത്യ​ൻ കോ​ൺ​സു​ലേ​റ്റ്​ വെ​ബ്​​സൈ​റ്റി​ൽ നൂ​ത​ന സം​വി​ധാ​നം. ദു​ബൈ​യി​ലെ​യും വ​ട​ക്ക​ൻ എ​മി​റേ​റ്റു​ക​ളി​ലെ​യും ഇ​ന്ത്യ​ക്കാ​ർ​ക്ക്​ അ​തി​വേ​ഗ​ത്തി​ലും എ​ളു​പ്പ​ത്തി​ലും പ​രാ​തി​ക​ൾ അ​റി​യി​ക്കാ​നും സ​ഹാ​യം തേ​ടാ​നും വേ​ണ്ടി​യു​ള്ള സം​വി​ധാ​ന​മാ​ണ്​ വി​ക​സി​പ്പി​ച്ച​ത്.

ഇ​തി​നാ​യി നി​ർ​മി​ത ബു​ദ്ധി, ചാ​റ്റ്​​ബോ​ട്ട്​ എ​ന്നീ നൂ​ത​ന സാ​​ങ്കേ​തി​ക വി​ദ്യ​ക​ൾ​ ഉ​പ​യോ​ഗി​ച്ച്​ പ്ര​വാ​സി ക്ഷേ​മ സം​രം​ഭ​മാ​യ ‘പ്ര​വാ​സി ഭാ​ര​തീ​യ സ​ഹാ​യ​ത കേ​ന്ദ്ര’ (പി.​ബി.​എ​സ്.​കെ)​ത്തി​നു​കീ​ഴി​ലെ സേ​വ​ന​ങ്ങ​ൾ ന​വീ​ക​രി​ച്ചാ​ണ്​ പു​തി​യ രീ​തി ഒ​രു​ക്കി​യി​ട്ടു​ള്ള​ത്. ഇ​തി​ന്‍റെ ഭാ​ഗ​മാ​യി 24 മ​ണി​ക്കൂ​റും സേ​വ​നം ചെ​യ്യു​ന്ന രീ​തി​യി​ൽ വെ​ബ്​​സൈ​റ്റി​ൽ സ​ജ്ജീ​ക​രി​ച്ചി​ട്ടു​ള്ള ചാ​റ്റ്​​ബോ​ട്ട്​ വ​ഴി പ്ര​വാ​സി​ക​ളു​ടെ സം​ശ​യ​ങ്ങ​ൾ​ക്ക്​ അ​ത​ത്​ സ​മ​യ​ങ്ങ​ളി​ൽ ത​ന്നെ മ​റു​പ​ടി ന​ൽ​കും. ഇ​തി​നാ​യാ​ണ്​ നി​ർ​മി​ത ബു​ദ്ധി ഉ​പ​യോ​ഗി​ക്കു​ന്ന​ത്. ഇ​തി​ലൂ​ടെ മ​നു​ഷ്യ സ്പ​ർ​ശ​മി​ല്ലാ​തെ ത​ന്നെ സം​ശ​യ​ങ്ങ​ൾ​ക്കും അ​ന്വേ​ഷ​ണ​ങ്ങ​ൾ​ക്കും ചാ​റ്റ്​​ബോ​ട്ട്​ വ​ഴി ഉ​ത്ത​രം ല​ഭി​ക്കും.

നി​ല​വി​ൽ കോ​ൺ​സു​ലേ​റ്റ്​ ജ​ന​റ​ലി​ന്‍റെ വെ​ബ്​​സൈ​റ്റി​ൽ പ്ര​വേ​ശി​ക്കു​മ്പോ​ൾ​ത​ന്നെ ചാ​റ്റ്​​ബോ​ട്ട്​ സേ​വ​നം കാ​ണാ​വു​ന്ന​താ​ണ്. പി.​ബി.​എ​സ്.​കെ ഹെ​ൽ​പ്​ ഡെ​സ്ക്​ എ​ന്ന ചാ​റ്റ്​​ബോ​ട്ടി​ൽ നി​ന്ന്​ മെ​സേ​ജു​ക​ൾ വ​ന്നു​തു​ട​ങ്ങും. ഉ​പ​ഭോ​ക്​​താ​വി​ന്‍റെ ഇ-​മെ​യി​ൽ ഐ.​ഡി ന​ൽ​കി​ക്ക​ഴി​ഞ്ഞാ​ൽ അ​ന്വേ​ഷ​ണ​ങ്ങ​ൾ​ക്ക്​ സാ​ധി​ക്കും. കോ​ൺ​സു​ലേ​റ്റ്​ ന​ൽ​കു​ന്ന പാ​സ്​​പോ​ർ​ട്ട്, അ​റ്റ​സ്​​റ്റേ​ഷ​ൻ, കോ​ൺ​സു​ലാ​ർ, ലേ​ബ​ർ, വി​സ/​ഒ.​സി.​ഐ/​റി​ന​ൻ​സി​യേ​ഷ​ൻ, വ്യാ​പാ​രം, വാ​ണി​ജ്യം, വി​ദ്യാ​ഭ്യാ​സം തു​ട​ങ്ങി​യ വി​വി​ധ സേ​വ​ന​ങ്ങ​ളെ​ക്കു​റി​ച്ച അ​ന്വേ​ഷ​ണ​ങ്ങ​ൾ​ക്ക്​ മ​റു​പ​ടി ല​ഭി​ക്കും. ഇ-​മെ​യി​ൽ ന​ൽ​കു​ന്ന​തി​നാ​ൽ​ത​ന്നെ നേ​ര​ത്തെ ഉ​പ​ഭോ​ക്​​താ​വ്​ ന​ട​ത്തി​യ അ​ന്വേ​ഷ​ണ​ങ്ങ​ളു​ടെ റെ​ക്കോ​ഡ്​ സൂ​ക്ഷി​ക്കാ​ൻ ചാ​റ്റ്​​ബോ​ട്ടി​ന്​ സാ​ധി​ക്കും. മാ​ത്ര​മ​ല്ല, ചാ​റ്റ്​ സെ​ഷ​ൻ മെ​യി​ൽ ചെ​യ്ത്​ ല​ഭി​ക്കു​ക​യും ചെ​യ്യും. ഇ-​മെ​യി​ൽ ഐ.​ഡി ഇ​ല്ലാ​ത്ത തൊ​ഴി​ലാ​ളി​ക​ൾ​ക്കു​വേ​ണ്ടി മൊ​ബൈ​ൽ ന​മ്പ​ർ വ​ഴി സേ​വ​നം ല​ഭ്യ​മാ​ക്കാ​നും അ​ധി​കൃ​ത​ർ ആ​ലോ​ചി​ക്കു​ന്നു​ണ്ട്.

നി​യ​മ, മ​നഃ​ശാ​സ്​​ത്ര, സാ​മ്പ​ത്തി​ക കാ​ര്യ​ങ്ങ​ളി​ൽ കൗ​ൺ​സ​ലി​ങ്​ സേ​വ​ന​ത്തി​ന്​ കോ​ൺ​സു​ലേ​റ്റ് വെ​ബ്​​സൈ​റ്റ്​ വ​ഴി ഓ​ൺ​ലൈ​ൻ ബു​ക്കി​ങ്​ സം​വി​ധാ​ന​വും ഒ​രു​ക്കി​യി​ട്ടു​ണ്ട്. ​‘സോ​ഹോ’ കോ​ർ​പ​റേ​ഷ​നു​മാ​യി സ​ഹ​ക​രി​ച്ചാ​ണ്​ സേ​വ​ന​ങ്ങ​ളു​ടെ ന​വീ​ക​ര​ണം അ​ധി​കൃ​ത​ർ പൂ​ർ​ത്തി​യാ​ക്കി​യ​ത്. കോ​ൺ​സു​ലാ​ർ സേ​വ​ന​ങ്ങ​ൾ​ക്ക്​ ആ​വ​ശ്യ​ക്കാ​ർ വ​ർ​ധി​ച്ച സാ​ഹ​ച​ര്യ​ത്തി​ലാ​ണ്​ ന​വീ​ക​ര​ണം ന​ട​ത്തി​യ​തെ​ന്ന്​ കോ​ൺ​സു​ലേ​റ്റ്​ അ​ധി​കൃ​ത​ർ വ്യ​ക്​​ത​മാ​ക്കി. പി.​ബി.​എ​സ്.​കെ​യു​ടെ ഫോ​ൺ​വി​ളി, മെ​സേ​ജ്, ഇ-​മെ​യി​ൽ, നേ​രി​ട്ടു​ള്ള ര​ജി​സ്​​ട്രേ​ഷ​ൻ സേ​വ​ന​ങ്ങ​ൾ ഉ​പ​യോ​ഗി​ക്കു​ന്ന​വ​ർ മാ​സ​ത്തി​ൽ ശ​രാ​ശ​രി 3500പേ​രു​ണ്ടെ​ന്നും അ​ധി​കൃ​ത​ർ വ്യ​ക്​​ത​മാ​ക്കി. ​പി.​ബി.​എ​സ്.​കെ​യു​ടെ ടോ​ൾ ഫ്രീ ​ന​മ്പ​റാ​യ 800 46342 വ​ഴി​യും നി​ല​വി​ൽ സേ​വ​ന​ങ്ങ​ൾ ല​ഭി​ക്കു​ന്നു​ണ്ട്.

സേ​വ​ന​ങ്ങ​ൾ മി​ക​ച്ച നി​ല​വാ​ര​ത്തി​ൽ -സി.​ജി

ദു​ബൈ: പു​തി​യ ഡി​ജി​റ്റ​ൽ ന​വീ​ക​ര​ണം കോ​ൺ​സു​ലേ​റ്റ്​ ന​ൽ​കി​വ​രു​ന്ന സേ​വ​ന​ങ്ങ​ൾ മി​ക​ച്ച നി​ല​വാ​ര​ത്തി​ലേ​ക്ക്​ ഉ​യ​ർ​ത്തി​യി​രി​ക്കു​ക​യാ​ണെ​ന്ന്​ കോ​ൺ​സു​ൽ ജ​ന​റ​ൽ ഡോ. ​അ​മ​ൻ പു​രി പ​റ​ഞ്ഞു. പ്ര​വാ​സി ഭാ​ര​തീ​യ സ​ഹാ​യ​ത കേ​ന്ദ്ര’ (പി.​ബി.​എ​സ്.​കെ)​ത്തി​ന്‍റെ സേ​വ​ന​ങ്ങ​ൾ സോ​ഹോ കോ​ർ​പ​റേ​ഷ​നു​മാ​യി സ​ഹ​ക​രി​ച്ച്​ ന​വീ​ക​രി​ക്കാ​ൻ സാ​ധി​ച്ച​തി​ൽ സ​ന്തോ​ഷ​മു​ണ്ട്.

ദു​ബൈ​യി​ലെ​യും വ​ട​ക്ക​ൻ എ​മി​റേ​റ്റു​ക​ളി​ലെ​യും പ്ര​വാ​സി​ക​ൾ​ക്ക്​ ന​ൽ​കി വ​രു​ന്ന സേ​വ​ന​ങ്ങ​ൾ മെ​ച്ച​പ്പെ​ടു​ത്തു​ക​യാ​ണ്​ ഇ​തി​ലൂ​ടെ ല​ക്ഷ്യം​വെ​ക്കു​ന്ന​ത്. പു​തി​യ ന​വീ​ക​ര​ണ​ത്തി​ലൂ​ടെ കോ​ൺ​സു​ലാ​ർ സേ​വ​ന​ങ്ങ​ൾ കൂ​ടു​ത​ൽ കാ​ര്യ​ക്ഷ​മ​മാ​യും സ​മ​യ​ബ​ന്ധി​ത​മാ​യും കൃ​ത്യ​മാ​യും എ​ത്തി​ക്കാ​നാ​വു​മെ​ന്ന്​ പ്ര​തീ​ക്ഷി​ക്കു​ന്നു -അ​ദ്ദേ​ഹം പ​റ​ഞ്ഞു.