അ​ന്താ​രാ​ഷ്ട്ര ക​രാ​ട്ടേ സെ​മി​നാ​റി​ന്​ യു.​എ.​ഇ മ​ല​യാ​ളി യു.​എ​സി​ലേ​ക്ക്​​

അ​ബൂ​ദ​ബി: യു.​എ​സി​ലെ വി​ർ​ജീ​നി​യ കേ​ന്ദ്ര​മാ​യി ഇ​ന്‍റ​ർ​നാ​ഷ​ന​ൽ കി​ബു​ക്ക​ൻ അ​സോ​സി​യേ​ഷ​ൻ സം​ഘ​ടി​പ്പി​ക്കു​ന്ന 15ാമ​ത് ഇ​ന്‍റ​ർ​നാ​ഷ​ന​ൽ ക​രാ​ട്ടേ സെ​മി​നാ​റി​ൽ പ​ങ്കെ​ടു​ക്കാ​ൻ പ്ര​വാ​സി മ​ല​യാ​ളി​ക്ക്​ ക്ഷ​ണം. ക​ണ്ണൂ​ർ ക​ണ്ണ​പു​രം സ്വ​ദേ​ശി ഷി​ഹാ​ൻ മു​ഹ​മ്മ​ദ് ഫാ​യി​സാ​ണ്​ യു.​എ.​ഇ​യെ പ്ര​തി​നി​ധാ​നം​ചെ​യ്ത്​​പ​ങ്കെ​ടു​ക്കു​ന്ന​ത്​​.

ആ​ഗ​സ്റ്റ് ഒ​ന്നു​ മു​ത​ൽ നാ​ലു​വ​രെ ന​ട​ക്കു​ന്ന സെ​മി​നാ​റി​ൽ പ​​ങ്കെ​ടു​ക്കാ​ൻ ഈ​മാ​സം 29ന് ​അ​ബൂ​ദ​ബി​യി​ൽ നി​ന്നും വി​ർ​ജീ​നി​യ​യി​ലേ​ക്ക് യാ​ത്ര തി​രി​ക്കും. ​ഏ​ഷ്യാ ഭൂ​ഖ​ണ്ഡ​ത്തി​ൽ നി​ന്നും യു.​എ.​ഇ​യും ജ​പ്പാ​നും മാ​ത്ര​മാ​ണ് സെ​മി​നാ​റി​ൽ പ​ങ്കെ​ടു​ക്കു​ന്ന​ത്. ഇ​തി​ൽ യു.​എ.​ഇ​യെ പ്ര​തി​നി​ധാ​നം​ചെ​യ്ത് പ​ങ്കെ​ടു​ക്കു​ന്ന​ത്​ ഫാ​യി​സാ​ണ്. ഇ​ത് നാ​ലാം ത​വ​ണ​യാ​ണ് ഫാ​യി​സ് ഇ​ന്‍റ​ർ നാ​ഷ​ന​ൽ സെ​മി​നാ​റി​ൽ പ​ങ്കെ​ടു​ക്കു​ന്ന​ത്.

യു.​എ.​ഇ പ്ര​തി​നി​ധി​യും ടി.​എം.​എ ഫൗ​ണ്ട​റും ചീ​ഫ് എ​ക്‌​സാ​മി​ന​റു​മാ​ണ്​ മു​ഹ​മ്മ​ദ് ഫാ​യി​സ്. ഇ​തി​നു​മു​മ്പ് മൂ​ന്നു​ത​വ​ണ ജ​പ്പാ​നി​ൽ ഇ​ന്‍റ​ർ​നാ​ഷ​ന​ൽ സെ​മി​നാ​റി​ന് പ​ങ്കെ​ടു​ക്കാ​ൻ അ​വ​സ​രം ല​ഭി​ച്ചി​ട്ടു​ണ്ട്. ക​രാ​ട്ടേ​യോ​ടു​ള്ള അ​ഭി​നി​വേ​ശ​വും സ​മ​ർ​പ്പ​ണ​വും ആ​ഴ​ത്തി​ലു​ള്ള അ​റി​വും ക​ഴി​വും ക​ണ​ക്കി​ലെ​ടു​ത്ത് ജ​പ്പാ​നി​ലെ ഒ​ക്കി​നാ​വ ഹെ​ഡ്ക്വാ​ർ​ട്ടേ​ഴ്സ് 2019ൽ ​മു​ഹ​മ്മ​ദ് ഫാ​യി​സി​ന് ഷി​ഹാ​ൻ പ​ദ​വി ന​ൽ​കി ആ​ദ​രി​ച്ചി​രു​ന്നു.

ക​രാ​ട്ടേ ജീ​വി​ത സ​പ​ര്യ​യാ​ക്കി​യ മു​ഹ​മ്മ​ദ് ഫാ​യി​സി​ന് യു.​എ.​ഇ​യി​ലും ഇ​ന്ത്യ​യി​ലെ വി​വി​ധ സം​സ്ഥാ​ന​ങ്ങ​ളി​ലും നൂ​റു​ക​ണ​ക്കി​നു ശി​ഷ്യ​ഗ​ണ​ങ്ങ​ളു​ണ്ട്. യു.​എ​സി​ൽ​നി​ന്ന്​ തി​രി​ച്ചെ​ത്തി​യ​ശേ​ഷം ആ​സ്ട്രേ​ലി​യ​ൻ പ​ര്യ​ട​ന​ത്തി​നു​ള്ള ത​യാ​റെ​ടു​പ്പു​ക​ൾ ന​ട​ത്താ​നാ​ണ്​ തീ​രു​മാ​ന​മെ​ന്ന്​ ഫാ​യി​സ്​ പ​റ​ഞ്ഞു.

27 വ​ർ​ഷ​മാ​യി യു.​എ.​ഇ​യി​ൽ പ്ര​വാ​സി​യാ​യ ഫാ​യി​സ് അ​ബൂ​ദ​ബി​യി​ലാ​ണ് താ​മ​സം. ഷ​ഫീ​ന മു​ഹ​മ്മ​ദ് ഫാ​യി​സ് ഭാ​ര്യ​യാ​ണ്. മ​ക്ക​ൾ: മു​ഹ​മ്മ​ദ് ഫ​ഹീം ഫാ​യി​സ്, ആ​യി​ഷ ഫാ​യി​സ്, ഫാ​രി​ഹ ഫാ​യി​സ്.