ഉമ്മുൽ ഖുവൈൻ കെ.എം.സി.സി സംസ്ഥാന കമ്മിറ്റി സംഘടിപ്പിച്ച ഈദുൽ ഇത്തിഹാദ്
പാണക്കാട് സാദിഖലി തങ്ങൾ ഉദ്ഘാടനം ചെയ്യുന്നു
ഉമ്മുൽ ഖുവൈൻ: ഉമ്മുൽ ഖുവൈൻ കെ.എം.സി.സി സംസ്ഥാന കമ്മിറ്റി ഈദുൽ ഇത്തിഹാദ് ആഘോഷിച്ചു. ഉമ്മുൽ ഖുവൈൻ ഇന്ത്യൻ അസോസിയേഷനിലെ ശൈഖ് സഊദ് ഹാളിൽ നടന്ന ആഘോഷ പരിപാടികൾ മുസ്ലിം ലീഗ് അധ്യക്ഷൻ സാദിഖലി തങ്ങൾ ഉദ്ഘാടനം ചെയ്തു. യു.എ.ക്യു കെ.എം.സി.സി ആക്ടിങ് പ്രസിഡന്റ് അഷ്‌കറലി തിരുവത്ര അധ്യക്ഷത വഹിച്ചു. മുസ്ലിം ലീഗ് സംസ്ഥാന സെക്രട്ടറി അഡ്വ. പി.എം.എ സലാം, സംസ്ഥാന വനിത ലീഗ് വൈസ് പ്രസിഡന്റ് സാജിദാ നൗഷാദ്, യു.എ.ഇ കെ.എം.സി.സി ജനറൽ സെക്രട്ടറി അൻവർ നഹ എന്നിവർ ആശംസകൾ നേർന്നു.
യു.എ.ക്യു കമ്യൂണിറ്റി പൊലീസ് ചീഫ് ജനറൽ നാസർ സുൽത്താൻ, റെഡ് ക്രസന്‍റ് ചീഫ് ആരിഫ് അൽ അലി എന്നിവർ മുഖ്യാതിഥികളായിരുന്നു. ജനറൽ സെക്രട്ടറി സമദ് കാരത്തൂർ സ്വാഗതവും ട്രഷറർ എം.ബി മുഹമ്മദ് നന്ദിയും പറഞ്ഞു. യു.എ.ക്യു അസോസിയേഷൻ വൈസ് പ്രസിഡന്റ് മുഹമ്മദ് മൊയ്തീൻ, ഇന്ത്യൻ സ്‌കൂൾ പ്രിൻസിപ്പൽ സൈഫുദ്ദീൻ ഹംസ, ഐ.സി.എഫ് ദേശീയ ജനറൽ സെക്രട്ടറി ഫാറൂഖ് മാണിയൂർ, എസ്.കെ.എസ്.എസ്.എഫ് ദേശീയ സെക്രട്ടറി താഹിർ ശിഹാബ് തങ്ങൾ, കെ.എം.സി.സി സംസ്ഥാന കമ്മിറ്റി ഭാരവാഹികളായ റാഷിദ് പൊന്നാണ്ടി, ഹമീദ് ഹാജി, മുസ്തഫ ചുഴലി, സൈനുദ്ദീൻ ചിത്താരി, ലത്തീഫ് പുല്ലാട്ട്, ഉണ്ണീൻ കുട്ടി പാതായ്ക്കര, എം.ടി നാസർ കാപ്പുമുഖം, ഫത്താഹ് വെളിയങ്കോട്, അസ്‍ലം ഓവുങ്ങൽ, മീഡിയ കൺവീനർ ഫായിസ് വേങ്ങര, വളന്റിയേഴ്‌സ് ക്യാപ്റ്റൻ സെമീർ ബെക്കളം, വൈസ് പ്രസിഡന്റ് സഹ്മർ, സമീർ എക്‌സ്പ്രസ് തുടങ്ങിയവർ സംബന്ധിച്ചു.
അസീസ് എടരിക്കോടിന്‍റെ നേതൃത്വത്തിലുള്ള ദഫ് മുട്ട്, കോൽക്കളി എന്നിവക്കു പുറമെ റഹ്‌ന, കൊല്ലം ഷാഫി എന്നിവരുടെ നേതൃത്വത്തിലുള്ള ഗാനമേളയും അരങ്ങേറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.