ഇന്ത്യൻ അസോസിയേഷൻ ഉമ്മുൽഖുവൈൻ സംഘടിപ്പിച്ച
വിദ്യാരംഭ ചടങ്ങിൽ പങ്കെടുക്കുന്ന കുട്ടികൾ
ഉമ്മുൽ ഖുവൈൻ: ഇന്ത്യൻ അസോസിയേഷൻ ഉമ്മുൽഖുവൈൻ സാഹിത്യ വിഭാഗത്തിന്‍റെ ആഭിമുഖ്യത്തിൽ വിജയദശമി ദിനത്തിൽ രാവിലെ ‘വിദ്യാരംഭം’ ചടങ്ങുകൾ ഇന്ത്യൻ അസോസിയേഷൻ പ്രധാന ഓഡിറ്റോറിയത്തിൽ നടത്തി.
അറിവിന്‍റെ വെളിച്ചത്തിലേക്ക് ആദ്യമായി ചുവടുവെച്ച കുരുന്നുകൾക്ക് വിശിഷ്ടാതിഥികളായെത്തിയ ഉമ്മുൽഖുവൈൻ വൈസ് ഇന്ത്യൻ സ്കൂൾ പ്രധാനാധ്യാപിക അഞ്ജന ഇറാടിയും യുവ എഴുത്തുകാരി മഹാലക്ഷ്മി മനോജും ചേർന്ന് ആദ്യക്ഷരം കുറിച്ചു. ചടങ്ങിൽ ഇന്ത്യൻ അസോസിയേഷൻ ജനറൽ സെക്രട്ടറി രാജീവ് പിള്ള സ്വാഗതം പറഞ്ഞു. പ്രസിഡന്‍റ് സജാദ് സഹീർ നാട്ടിക, വൈസ് പ്രസിഡന്‍റ് മുഹമ്മദ് മൊഹിദീൻ എന്നിവർ ആശംസകൾ നേർന്നു.
വിദ്യാരംഭം കുറിച്ച കുരുന്നുകൾക്കെല്ലാം ഇന്ത്യൻ അസോസിയേഷൻ ഉമ്മുൽഖുവൈൻ സാഹിത്യ വിഭാഗത്തിന്‍റെ പേരിൽ സർട്ടിഫിക്കറ്റുകളും മധുരവും വിതരണം ചെയ്തു. വിശിഷ്ടാതിഥികൾക്ക് മെമന്‍റോയും സർട്ടിഫിക്കറ്റുകളും നൽകി. മഹാലക്ഷ്മിയുടെ പുസ്തകങ്ങളുടെ പ്രകാശന കർമം അസോസിയേഷൻ പ്രസിഡന്‍റ് സജാദ് സഹീർ നിർവഹിച്ചു. സാഹിത്യ വിഭാഗം കോഓഡിനേറ്റർ നവീൻ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.