ലാൻഡ് റോവർ ഡിഫെൻഡറിന് രണ്ട് പുതിയ എഞ്ചിൻ ഓപ്ഷനുകൾകൂടി ഉൾപ്പെടുത്തി. ആറ് സിലിണ്ടർ ടർബോ-പെട്രോൾ, ആറ് സിലിണ്ടർ ടർബോ-ഡീസൽ എഞ്ചിനുകളാണ് ഇന്ത്യൻ വിപണിയിൽ പുതുതായി അവതരിപ്പിച്ചത്. ചെറിയ ഡിഫെൻഡർ 90 (3-ഡോർ), വലിയ 110 (5-ഡോർ) ഓപ്ഷനുകളിൽ പുതിയ എഞ്ചിനുകൾ ലഭ്യമാകും. ഡീസൽ കരുത്തുള്ള ഡിഫൻഡർ എസ്ഇ, എച്ച്എസ്ഇ, എക്സ്-ഡൈനാമിക് എച്ച്എസ്ഇ, എക്സ് എന്നീ നാല് ട്രിമ്മുകളിൽ ലഭ്യമാണ്. എക്സ്-ഡൈനാമിക് എച്ച്എസ്ഇ ട്രിം പ്രത്യേകതകളിൽ എച്ച്എസ്ഇയ്ക്ക് സമാനമാണെങ്കിലും ഇതിന് വിവിധ സൗന്ദര്യവർധക മാറ്റങ്ങൾ ലഭിക്കുന്നുണ്ട്.
ലാൻറ് റോവർ ഡിഫെൻഡറിലെന് 3.0 ലിറ്റർ, ഇൻ-ലൈൻ ആറ് സിലിണ്ടർ ടർബോ-പെട്രോൾ എഞ്ചിന് 400 എച്ച്പി കരുത്തും, 550 എൻഎം ടോർക്കും നിർമ്മിക്കാൻ കഴിയും. 3.0 ലിറ്റർ, ഇൻ-ലൈൻ ആറ് സിലിണ്ടർ ടർബോ-ഡീസൽ എഞ്ചിൻ 300 എച്ച്പി കരുത്തും, 650 എൻഎം ടോർക്കും ഉത്പാദിപ്പിക്കും. രണ്ട് എഞ്ചിൻ ഓപ്ഷനുകളിലും മൈൽഡ്-ഹൈബ്രിഡ് സാങ്കേതികവിദ്യയുണ്ട്. 8 സ്പീഡ് ഓട്ടോമാറ്റിക് ട്രാൻസ്മിഷനാണ്. സ്റ്റാൻഡേർഡായി ഫോർ വീൽ ഡ്രൈവ് സംവിധാനവും അവർക്ക് ലഭിക്കും.
ലാൻഡ് റോവർ ഡിഫെൻഡർ ഇപ്പോൾ ഇന്ത്യയിൽ മൂന്ന് പവർട്രെയിൻ ഓപ്ഷനുകളുമായി ലഭ്യമാണ്.300 എച്ച്പി, 2.0 ലിറ്റർ, ടർബോ-പെട്രോൾ (പി 300), 400 എച്ച്പി, 3.0 ലിറ്റർ, ടർബോ-പെട്രോൾ (പി 400), 300 എച്ച്പി, 3.0 ലിറ്റർ, ടർബോ-ഡീസൽ എഞ്ചിൻ (ഡി 300) എന്നിവയാണവ. ഇതിനുപുറമെ, ലാൻഡ് റോവർ ഈ വർഷാവസാനം ലൈനപ്പിൽ ചേരുമെന്ന് പ്രതീക്ഷിക്കുന്ന P400e പ്ലഗ്-ഇൻ ഹൈബ്രിഡ് വേരിയന്‍റിനായുള്ള ബുക്കിങുകളും സ്വീകരിച്ചുതുടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.