വിലയിൽ ഞെട്ടിച്ച്​ ഥാർ; മഹീന്ദ്ര മാജിക്​ വീണ്ടും?

അടുത്ത കാലത്താണ്​ പരിഷ്​കരിച്ച ഥാറിനെ മഹീന്ദ്ര പുറത്തിറക്കിയത്​. കടുപ്പക്കാരനായ എസ്​.യു.വി എന്ന പ്രതിഛായ പൊളിച്ചെഴുതി കുടുംബവാഹനമെന്ന ബിംബത്തെ സ്​ഥാപിക്കാനാണ്​​ കമ്പനി ശ്രമിച്ചത്​. അത്​ ഏറെക്കുറെ വിജയിക്കുകയും ചെയ്​തു. കെട്ടിലും മട്ടിലും ആഢംബരം നിറച്ചും ഡീസൽ, പെട്രോൾ ​എഞ്ചിനുകളെ അവതരിപ്പിച്ചും ഒാ​േട്ടാമാറ്റിക്​ ട്രാൻസ്​മിഷൻ ഉൾപ്പെടുത്തിയും ഇന്ത്യൻ മധ്യവർഗത്തെ ആകർഷിക്കുകയാണ്​ കമ്പനി ചെയ്​തത്​. ഇതിന്​ വ്യാപക പിൻതുണയും ഉപഭോക്​താക്കളിൽ നിന്ന്​ ലഭിച്ചു

അടുത്തതായി വാഹനപ്രേമികൾ കാത്തിരുന്നത്​ ഥാറി​െൻറ വിലവിവരം അറിയാനാണ്​. ഇൗ മാസം 20ന്​ വില പരസ്യമാക്കുമെന്നായിരുന്നു മഹീന്ദ്ര പ്രഖ്യാപിച്ചിരുന്നത്​. എന്നാൽ ഥാറി​െൻറ വില സംബന്ധിച്ച അഭ്യൂഹങ്ങൾ ​വാഹനലോകത്ത്​ പരക്കുന്നുണ്ട്​.​ അടിസ്​ഥാന മോഡലിന്​ 10 ലക്ഷത്തിൽതാഴെ വിലയിടാനാണ്​ സാധ്യത.ഏറ്റവും കുറഞ്ഞ ഫിക്​സഡ്​ സോഫ്​റ്റ്​ ടോപ്പ്​ പെട്രോൾ മോഡലിന്​ 9.75ലക്ഷമാണ്​ പ്രതീക്ഷിക്കുന്നത്​. ഏറ്റവും ഉയർന്ന ഹാർഡ്​ ടോപ്പ്​ ഡീസൽ ഒാ​േട്ടാമാറ്റികിന്​ 12.25 ലക്ഷവും വിലവരും (രണ്ടും എക്​സ്​ഷോറൂം).

10ലക്ഷത്തിൽ താഴെ ഥാറിന്​ വിലയിടാൻ കഴിഞ്ഞാ​ൽ അത്​ മഹീന്ദ്രയെ സംബന്ധിച്ച്​ നേട്ടംതന്നെയാണ്​. കൃത്യമായി വിവേചിക്കാവുന്ന എതിരാളികൾ വിപണിയിൽ ഥാറിന്​ ഇല്ല. കാരണം ഇതുപോലൊരു വാഹനം മറ്റൊരു കമ്പനിയും ഇറക്കുന്നില്ല. എന്നാൽ കോമ്പാക്​ട്​ എസ്​.യു.വികൾക്കും ക്രെറ്റ, സെൽറ്റോസ്​, സോനറ്റ്​ തുടങ്ങിയ പുതുക്കക്കാർക്കുമൊക്കെ വിലയിലൂടെ ബദലാവാനും മേധാവിത്വം നേടാനും ഥാറിനാകും​. വിവിധ ഒാൺലൈൻ പ്ലാറ്റ്​ഫോമുകളിൽ പ്രചരിക്കുന്ന ഥാറി​െൻറ വിലവിവരങ്ങൾ താഴെ. 

Mahindra Thar Price (ex-showroom, India)

Fixed Soft Top Petrol Rs 9.75 lakh

Hard-Top Diesel-Manual Rs 11.2 lakh

Fixed Soft Top Diesel Rs 10.49 lakh

Hard-Top Petrol-Automatic Rs 12.49 lakh

AX Convertible Petrol Rs 10.25 lakh

Hard-Top Diesel-Automatic Rs 12.25 lakh

AX Convertible Diesel Rs 10.99 lakh