ബി.എസ് 6 ജാസിലെ ഡിസൈനിങ്ങിലെ മാറ്റങ്ങളെ കുറിച്ച് സൂചന നൽകി പുതിയ ടീസർ. പുറത്തിറങ്ങാൻ ആഴ്ചകൾ മാത്രം ശേഷിക്ക െയാണ് പുതിയ ടീസർ എത്തിയിരിക്കുന്നത്. എൽ.ഇ.ഡി ഹെഡ്ലൈറ്റും ഡേ ടൈം റണ്ണിങ് ലൈറ്റും ഉൾപ്പെടുത്തിയെന്നതാണ് ജാ സിലെ പ്രധാനമാറ്റം.
ഇതിനൊപ്പം പുതുക്കിയ ഗ്രില്ലും ടീസർ ചിത്രത്തിൽ കാണാം. ഹോണ്ടയുടെ ലോഗോയോട് കൂടിയ മെഷ് ഗ്രില്ലാണ് ഉൾപ്പെടുത്തിയിരിക്കുന്നത്. എൽ.ഇ.ഡിയുടെ എക്സ്റ്റൻഷൻ എന്ന രീതിയിൽ ക്രോം സ്ട്രിപ്പും കറുത്ത നിറത്തിലുള്ള സ്ലാറ്റും നൽകിയിരിക്കുന്നു. മറ്റ് മാറ്റങ്ങളൊന്നും നിലവിൽ പ്രകടമല്ല.
പഴയ ജാസിലുള്ള 1.2 ലിറ്റർ ഐ-വിടെക് പെട്രോൾ എൻജിൻ ബി.എസ് 6 നിലവാരത്തിലേക്ക് ഹോണ്ട ഉയർത്തുകയാവും ചെയ്യുക. 1.5 ലിറ്റർ ഡീസൽ എൻജിനും തുടരും. പെട്രോൾ എൻജിന് 89 ബി.എച്ച്.പിയും ഡീസലിന് 99 ബി.എച്ച്.പിയുമായിരിക്കും പരമാവധി കരുത്ത്. പെട്രോളിൽ മാത്രമായിരിക്കും സി.വി.ടി ട്രാൻസ്മിഷൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.