ടോയോട്ടയുടെ കാത്തിരുന്ന ഹാച്ച്ബാക്ക് ഗ്ലാൻസ ഇന്ത്യൻ വിപണിയിൽ പുറത്തിറങ്ങി. ജി, വി എന്നിങ്ങനെ രണ്ട് വേര ിയൻറുകളിലായിരിക്കും ഗ്ലാൻസ വിപണിയിലെത്തുക. 7.21 ലക്ഷം മുതൽ 8.90 ലക്ഷം വരെയായിരിക്കും ഗ്ലാൻസയുടെ വിവിധ മോഡലുകളുടെ വില.
ഗ്ലാൻസയുടെ ബേസ് മോഡലയായ മാനുവൽ ട്രാൻസ്മിഷനുള്ള ജി വേരിയൻറിന് 7.21 ലക്ഷവും വി വേരിയൻറിന് 7.58 ലക്ഷവുമാണ് വില. സി.വി.ടി ട്രാൻസ്മിഷനുമായി എത്തുന്ന ഗ്ലാൻസയുടെ വേരിയൻറുകൾക്ക് യഥാക്രമം 8.29 ലക്ഷവും 8.9 ലക്ഷവുമാണ് വില. മാരുതി സുസുക്കിയുടെ ബലേനോയെ പരിഷ്കരിച്ചാണ് ടോയോട്ട ഗ്ലാൻസ പുറത്തിറക്കുന്നത്.
ഒറ്റനോട്ടത്തിൽ ബലേനോയിൽ നിന്ന് ഗ്ലാൻസക്ക് കാര്യമായ മാറ്റമില്ല. മുൻവശത്തെ ഗ്രില്ലിൽ മാത്രമാണ് ടോയോട്ട മാറ്റം വരുത്തിയിരിക്കുന്നത്. അതുകഴിഞ്ഞാൽ ലോഗോയിൽ മാത്രമാണ് മാറ്റം. 1.2 ലിറ്റർ 4 സിലിണ്ടർ പെട്രോൾ എൻജിനാണ് ഗ്ലാൻസക്ക് കരുത്ത് പകരുന്നത്. 83 ബി.എച്ച്.പി കരുത്തും 114 എൻ.എം ടോർക്കും എൻജിൻ നൽകും. ഇതിനൊപ്പം മിഡ് ഹൈബ്രിഡ് ടെക്നോളജിയോട് കൂടിയ എൻജിനും ഗ്ലാൻസയിലുണ്ടാവും. എൻജിനുകളെല്ലാം ബി.എസ് 6 നിലവാരത്തിലുള്ളതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.