ശ്രീനഗര്‍: ഹന്ദ്വാരയില്‍ മാനഭംഗത്തിനിരയായ പെണ്‍കുട്ടിയെയും കുടുംബത്തെയും പൊലീസ് കസ്റ്റഡിയില്‍നിന്ന് വിട്ടയക്കണമെന്നാവശ്യപ്പെട്ട് ഓള്‍ ഇന്ത്യ സ്റ്റുഡന്‍റ്സ് അസോസിയേഷന്‍െറ ആഭിമുഖ്യത്തില്‍ ശ്രീനഗറില്‍ വിദ്യാര്‍ഥികള്‍ പ്രകടനം നടത്തി. പെണ്‍കുട്ടിയെയും കുടുംബത്തെയും നിയമവിരുദ്ധമായി തടഞ്ഞുവെച്ചിരിക്കുകയാണെന്ന് ആരോപിച്ചായിരുന്നു പ്രകടനം. പ്രായപൂര്‍ത്തിയാകാത്ത പെണ്‍കുട്ടിക്ക് ആവശ്യം നമ്മുടെ പിന്തുണയാണ് അല്ലാതെ വിമര്‍ശമല്ല, പെണ്‍കുട്ടിയോടുള്ള നിയമസഹായനിഷേധം അവസാനിപ്പിക്കുക, അവളുടെയും കുടുംബത്തിന്‍െറയും നീക്കങ്ങള്‍ നിരീക്ഷിക്കുകയും നിയന്ത്രിക്കുകയും ചെയ്യുന്നത് അവസാനിപ്പിക്കുക, പെണ്‍കുട്ടിയെ സ്വഭാവഹത്യ നടത്തുന്നത് അവസാനിപ്പിക്കുക എന്നിങ്ങനെ എഴുതിയ പ്ളക്കാര്‍ഡുകള്‍ വിദ്യാര്‍ഥികള്‍ ഉയര്‍ത്തിപ്പിടിച്ചിരുന്നു. പ്രക്ഷോഭത്തില്‍ അഞ്ചുപേരുടെ മരണത്തിന് ഉത്തരവാദിയായവര്‍ക്കെതിരെ നടപടിയെടുക്കണമെന്നും വിദ്യാര്‍ഥികള്‍ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.