കൊച്ചി: എയർ ഇന്ത്യ എക്സ്പ്രസ് കോഴിക്കോട്ടുനിന്ന് മുംബൈയിലേക്ക് നേരിട്ട് പ്രതിദിന വിമാന സർവിസ് ആരംഭിച്ചു. കോഴിക്കോട്ടുനിന്ന് പുലർച്ച 1.10നും മുംബൈയിൽനിന്ന് രാത്രി 10.50നുമാണ് സർവിസ്. നേരിട്ടുള്ള സർവിസായതിനാൽ രണ്ടുമണിക്കൂറിൽ താഴെ മാത്രമാണ് യാത്രാസമയം. വെള്ളിയാഴ്ച പുലർച്ച 1.10നായിരുന്നു മുംബൈക്കുള്ള ആദ്യ വിമാനം.
എയർ ഇന്ത്യ എക്സ്പ്രസ് കോഴിക്കോട്ടുനിന്ന് 15 സ്ഥലങ്ങളിലേക്കായി ആഴ്ചയിൽ 101 അന്താരാഷ്ട്ര വിമാന സർവിസുകള്‍ നടത്തുന്നുണ്ട്. കമ്പനി ഏറ്റവും കൂടുതൽ അന്താരാഷ്ട്ര സർവിസ് നടത്തുന്നതും കോഴിക്കോട്ടുനിന്നാണ്. ജനുവരിയിൽ കോഴിക്കോട്ടുനിന്ന് നേരിട്ട് പ്രതിദിന ബംഗളൂരു സർവിസും ആരംഭിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.