ജയ്പൂർ: രാജസ്ഥാനിലെ ബാരൻ ജില്ലയിൽ ബാലറ്റ് യൂണിറ്റ് ദേശീയപാതയിൽ ഉപേക്ഷിച്ച നിലയിൽ കണ്ടെത്തി. കിഷ്ൻഗഞ്ച ് മണ്ഡലത്തിലെ ബാലറ്റ് യുണിറ്റാണ് ഹൈവേയോരത്ത് നിന്ന് കണ്ടെത്തിയത്. സംഭവുമായി ബന്ധപ്പെട്ട് രണ്ട് ഉദ ്യോഗസ്ഥരെ തെരഞ്ഞെടുപ്പ് കമീഷൻ സസ്പെൻഡ് ചെയ്തു.
#WATCH: A ballot unit was found lying on road in Shahabad area of Kishanganj Assembly Constituency in Baran district of Rajasthan yesterday. Two officials have been suspended on grounds of negligence. #RajasthanElections pic.twitter.com/yq7F1mbCFV
— ANI (@ANI) December 8, 2018
അബ്ദുൾ റാഷീഖ്, പത്വാരി നവാൽസിങ് എന്നിവരെയാണ് അടിയന്തരമായി സസ്പെൻഡ് ചെയ്തത്. ബാരൻ ജില്ലയിലെ ഷഹബാദ് മേഖലയിൽ നിന്നാണ് ബാലറ്റ് യൂണിറ്റ് കണ്ടെത്തിയത്. സംഭവത്തിൽ വിശദമായ അന്വേഷണത്തിന് കമീഷൻ ഉത്തരവിട്ടിട്ടുണ്ട്. ബാലറ്റ് യൂണിറ്റ് വഴിയിൽ കിടക്കുന്നതിെൻറ വീഡിയോ പുറത്ത് വന്നതോടെയാണ് സംഭവം വിവാദമായത്.
ബി.ജെ.പി സ്ഥാനാർഥിയുടെ വീട്ടിലേക്ക് റിസർവ് വോട്ടിങ് യന്ത്രവുമായി എത്തിയ സംഭവത്തിൽ ഉദ്യോഗസ്ഥനെ കമീഷൻ വെള്ളിയാഴ്ച സസ്പെൻഡ് ചെയ്തിരുന്നു. മധ്യപ്രദേശ് തെരഞ്ഞെടുപ്പിലും വോട്ടിങ് യന്ത്രങ്ങളുമായി ബന്ധപ്പെട്ട് വ്യാപക ക്രമക്കേടുകൾ നടന്നതായി ആരോപണമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.