ന്യൂഡല്‍ഹി: കേരളത്തിലെ കോണ്‍ഗ്രസ് സ്ഥാനാര്‍ഥിപ്പട്ടികക്ക് അന്തിമ രൂപം നൽകാൻ കേന്ദ്ര തെരഞ്ഞെടുപ്പ് കമ്മിറ്റി ഏഴിന് വൈകീട്ട് യോഗം ചേരും. കെ.പി.സി.സി. അധ്യക്ഷന്‍ കെ. സുധാകരനും പ്രതിപക്ഷ നേതാവ് വി.ഡി. സതീശനും യോഗത്തിൽ പങ്കെടുക്കും. കണ്ണൂർ സീറ്റിലെ അനിശ്ചിതത്വത്തിനിടയിൽ സുധാകരൻ തിങ്കളാഴ്ച രാത്രി ഡല്‍ഹിയിലെത്തിയിട്ടുണ്ട്. സതീശൻ ഏഴിനെത്തും.
കണ്ണൂരിന് പുറമെ ആലപ്പുഴയിലെ സ്ഥാനാർഥി നിർണയവും നടന്നിട്ടില്ല. എ.ഐ.സി.സി. ജനറല്‍ സെക്രട്ടറി കെ.സി. വേണുഗോപാല്‍ മത്സരിക്കണമെന്ന അഭിപ്രായമുണ്ടെങ്കിലും അദ്ദേഹം സന്നദ്ധത പ്രകടിപ്പിച്ചിട്ടില്ല. വയനാട്ടിൽ സിറ്റിങ് എം.പി രാഹുൽ ഗാന്ധി മത്സരിക്കുമെന്നുറപ്പിച്ചാൽ കേരളത്തിൽ കോൺഗ്രസിന്റെ ഏക മുസ്‍ലിം സ്ഥാനാർഥി ആലപ്പുഴയിലോ കണ്ണൂരിലോ വന്നേക്കും. മറ്റു മണ്ഡലങ്ങളിൽ സിറ്റിങ് എം.പിമാരായിരിക്കും സ്ഥാനാർഥികളെന്നാണ് കരുതുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.