കോലാപൂർ: മഹാരാഷ്ട്രയിൽ വാഹനമോടിച്ചുപോകവേ പൊതുസ്ഥലത്ത് തുമ്മിയതിന് യുവാവിന് ആൾക്കൂട്ട മർദ്ദനം. കോവിഡ് ബാധ മറ്റുള്ളവരിലേക്ക് പകരുമെന്ന് പറഞ്ഞായിരുന്നു മർദ്ദനം. വ്യാഴാഴ്ച വൈകിട്ട് കോലാപൂർ നഗരത്തിനടുത്ത് ഗുജാരിയിലാണ് സംഭവം.
ആൾക്കൂട്ടം ഇയാളെ മർദ്ദിക്കുന്നതിൻെറ സി.സി.ടി.വി ദൃശ്യങ്ങൾ സമൂഹമാധ്യമങ്ങളിൽ വൈറലായി. ബൈക്കിൽ േപാകുന്ന വ്യക്തി തൂവാല ഉപയോഗിച്ച് മുഖം മറക്കാതെ തുമ്മിയെന്ന് പറഞ്ഞ് മറ്റൊരു ബൈക്കിലെത്തിയവർ ചോദ്യം ചെയ്യുകയായിരുന്നു. തുടർന്ന് ആൾക്കൂട്ടം എത്തുന്നതും ഇയാളെ മർദ്ദിക്കുന്നതും സി.സി.ടി.വി ദൃശ്യങ്ങളിൽ കാണാം.
വഴിയിൽ ആൾക്കൂട്ടം നിറഞ്ഞതോടെ ട്രാഫിക് ജാമുമുണ്ടായി. ഇയാൾ പൊലീസിൽ പരാതി നൽകിയിട്ടില്ല. മഹാരാഷ്ട്രയിൽ 49 േപർക്കാണ് ഇതുവരെ രോഗം സ്ഥിരീകരിച്ചത്. ഇത് ആളുകളിൽ പരിഭ്രാന്തി പരത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.