ന്യൂഡല്‍ഹി: രാജ്യ തലസ്ഥാനത്തുണ്ടായ വാഹനാപകടത്തിൽ അമിറ്റി സർവകലാശാലയിലെ മൂന്ന് വിദ്യാർഥികൾ മരിച്ചു. ഏഴു വിദ്യാര്‍ഥികള്‍ക്ക് പരിക്കേറ്റു. ഇതിൽ രണ്ടു പേരുടെ നില ഗുരുതരമാണ്.
രണ്ടാം വര്‍ഷ ബി.ടെക് വിദ്യാര്‍ഥികളായ ശിക്കാര്‍, ഉൗജ്വല്‍, രാജേഷ് എന്നിവരാണ് മരിച്ചത്.
കഴിഞ്ഞ ദിവസം അർധരാത്രി ഡല്‍ഹിയിലെ ആലിപൂരിലാണ് അപകടമുണ്ടായത്. ഹരിയാനയിലെ മുര്‍ത്താലിലേക്കു പോവുകയായിരുന്ന ഇവരുടെ എസ്യുവി കാർ ഇഷ്ടിക കയറ്റിയ ട്രാക്ടറിലേക്ക് ഇടിച്ചു കയറുകയായിരുന്നു.
ഇടിയുടെ ആഘാതത്തില്‍ വിദ്യാര്‍ഥികള്‍ കാറില്‍ നിന്നു തെറിച്ചു വീഴുകയായിരുന്നു. അപകടത്തിൽ കാർ പൂർണമായും തകർന്നിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.