മൂ​ന്നു​പേ​രെ കൊ​ന്ന കാ​ട്ടു​കൊ​മ്പ​ൻ ഒ​മ്പ​തു ദി​വ​സ​ത്തെ ശ്ര​മ​ത്തിനൊടുവിൽ പി​ടി​യിൽ

ഗൂ​ഡ​ല്ലൂ​ർ: നീ​ല​ഗി​രി- വ​യ​നാ​ട് അ​തി​ർ​ത്തി മേ​ഖ​ല​യി​ൽ ഭീ​തി പ​ര​ത്തി​യ കാ​ട്ടു​കൊ​മ്പ​നെ മ​യ​ക്കു​വെ​ടി​വെ​ച്ച് പി​ടി​കൂ​ടി മു​തു​മ​ല തെ​പ്പ​ക്കാ​ട് ആ​ന​പ്പ​ന്തി​യി​ലെ​ത്തി​ച്ചു. വെ​ള്ളി​യാ​ഴ്ച ര​ണ്ട​ര​യോ​ടെ​യാ​ണ് മ​ഴ​വ​ൻ ചേ​ര​മ്പാ​ടി ടാ​ൻ ടീ ​പ​ത്തു ലൈ​ൻ പാ​ടി​ക്ക് സ​മീ​പ​ത്തെ കു​റ്റി​ക്കാ​ട്ടി​ൽ​നി​ന്ന്​​ ആ​ന​ക്കൂ​ട്ട​ത്തോ​ടൊ​പ്പം നി​ന്ന കൊ​മ്പ​നെ പി​ടി​കൂ​ടി​യ​ത്. കൂ​ടെ​യു​ണ്ടാ​യി​രു​ന്ന​വ​യെ വി​ജ​യ്, സു​ജ​യ് എ​ന്നീ കു​ങ്കി​യാ​ന​ക​ൾ വി​ര​ട്ടി​യോ​ടി​ച്ചു. തു​ട​ർ​ന്ന്​ ര​ണ്ടു ഡോ​സ് മ​യ​ക്കു​വെ​ടി വെ​ച്ച​തോ​ടെ​യാ​ണ് ആ​ന മ​യ​ങ്ങി​നി​ന്ന​ത്.

ഉ​ട​നെ കൊ​മ്പ​‍െൻറ കാ​ലി​ൽ ക​യ​ർ കെട്ടി കു​ങ്കി​യാ​ന​ക​ൾ വ​ള​ഞ്ഞ് വാ​ഹ​ന​ത്തി​ൽ ക​യ​റ്റാ​ൻ ഒ​രു​ക്കം ന​ട​ത്തി. കൊ​മ്പ​നെ ത​ള​ച്ച ഭാ​ഗ​ത്തേ​ക്ക് മ​ണ്ണു​മാ​ന്തി യ​ന്ത്ര​ത്തി​‍െൻറ സ​ഹാ​യ​ത്തോ​ടെ റോ​ഡ് വെ​ട്ടി​യ ശേ​ഷ​മാ​ണ് ആ​റു മ​ണി​ക്ക്​ ലോ​റി​യി​ൽ ക​യ​റ്റി​യ​ത്. നേ​ര​മി​രു​ട്ടു​ന്ന​ത് വ​രെ കാ​ത്തി​രു​ന്ന ശേ​ഷ​മാ​ണ് മു​തു​മ​ല​യി​ലേ​ക്ക് കൊ​ണ്ടു​പോ​യ​ത്. കൊ​മ്പ​ൻ പി​ടി​യി​ലാ​യ വി​വ​രം പ​ര​ന്ന​തോ​ടെ സം​ഭ​വ സ്​​ഥ​ല​ത്തേ​ക്ക് ജ​ന​മൊ​ഴു​കി.

മേ​ഖ​ല​യി​ൽ മൂ​ന്നു​പേ​രെ കൊ​ന്ന കാ​ട്ടു​കൊ​മ്പ​നെ ഒ​മ്പ​തു ദി​വ​സ​ത്തെ ശ്ര​മ​ത്തിനൊടുവിലാണ് പി​ടി​കൂ​ടാ​ൻ ക​ഴി​ഞ്ഞ​ത്. ഊ​ണും ഉ​റ​ക്ക​വു​മി​ല്ലാ​തെ​യാ​ണ് ഡോ. ​അ​ശോ​ക​ൻ, വി​ജ​യ​രാ​ഘ​വ​ൻ, രാ​ജേ​ഷ് എ​ന്നീ മൂ​ന്ന് ഡോ​ക്ട​ർ​മാ​രു​ടെ പ്ര​ത്യേ​ക സം​ഘം സ്ഥ​ല​ത്ത് ക്യാ​മ്പ് ചെ​യ്​​തത്.

ഡി​സം​ബ​ർ 11നാ​ണ് ക​ണ്ണം​പ​ള്ളി​യി​ൽ രാ​ത്രി വ​യോ​ധി​ക​നാ​യ നാ​ഗ​മു​ത്തു​വി​നെ കൊ​ല​പ്പെ​ടു​ത്തി​യ​ത്. ഒ​രു ദി​വ​സ​ത്തെ ഇ​ട​വേ​ള​ക്ക് ശേ​ഷം ആ​ന​ന്ദ രാ​ജ, മ​ക​ൻ പ്ര​ശാ​ന്ത് എ​ന്നി​വ​രെ പ​ത്തു​ലൈ​ൻ പാ​ടി​ക്ക് സ​മീ​പം കൊ​ല​പ്പെ​ടു​ത്തി. ഇ​തോ​ടെ പ്ര​തി​ഷേ​ധം ശ​ക്ത​മാ​യി. മൃ​ത​ദേ​ഹ​വു​മാ​യി ജ​നം റോ​ഡ് ഉ​പ​രോ​ധി​ച്ചു. ദ്രാ​വി​ഡ​മ​ണി എം.​എ​ൽ.​എ​യു​ടെ നേ​തൃ​ത്വ​ത്തി​ൽ നി​രാ​ഹാ​ര​വും പ്ര​തി​ഷേ​ധ​ങ്ങ​ളും തു​ട​ർ​ന്ന​തോ​ടെ​യാ​ണ് ആ​ന​യെ പി​ടി​കൂ​ടാ​ൻ ന​ട​പ​ടി​യു​ണ്ടാ​യ​ത്.

ഒ​രു മാ​സം മു​മ്പ് ച​പ്പി​ൻ​തോ​ടു വെ​ച്ച് മ​യ​ക്കു​വെ​ടി​യേ​റ്റെ​ങ്കി​ലും ആ​ന നി​ല​മ്പൂ​ർ മു​ണ്ടേ​രി ഭാ​ഗ​ത്തേ​ക്ക് പോ​യ​തോ​ടെ ത​ൽ​ക്കാ​ലം തി​ര​ച്ചി​ൽ നി​ർ​ത്തി. വീ​ണ്ടും പ്ര​തി​ഷേ​ധം ഉ​യ​ർ​ന്ന​തോ​ടെ​യാ​ണ് പ​ത്തു ദി​വ​സം മു​മ്പ് കൊ​മ്പ​നെ ക​ണ്ടെ​ത്താ​ൻ ശ്ര​മം തു​ട​ങ്ങി​യ​ത്. ബു​ധ​നാ​ഴ്ച മ​യ​ക്കു​െ​വ​ടി​വെ​ച്ചെ​ങ്കി​ലും ര​ക്ഷ​പ്പെ​ടു​ക​യാ​യി​രു​ന്നു. ആ​ന​യെ ക​ണ്ടെ​ത്തു​ന്ന​തി​ന്​ തോ​ട്ടം തൊ​ഴി​ലാ​ളി​ക​ളും സ​ഹ​ക​രി​ച്ചു. ഗൂ​ഡ​ല്ലൂ​ർ ഡി.​എ​ഫ്.​ഒ എ.​സി.​എ​ഫ്. വി​ജ​യ​ൻ, ദേ​വാ​ല ഡി​വൈ.​എ​സ്.​പി അ​ൻ​വ​റു​ദ്ദീ​ൻ എ​ന്നി​വ​ർ സ്ഥ​ല​ത്തെ​ത്തി.