കൊൽക്കത്ത: കോവിഡ് ബാധിതനായ പശ്ചിമ ബംഗാൾ മുൻ മുഖ്യമന്ത്രി ബുദ്ധദേബ് ഭട്ടാചാര്യയുടെ ആരോഗ്യനില മെച്ചപ്പെട്ടതായി ആശുപത്രി അധികൃതർ. ശ്വാസതടസ്സം അടക്കമുള്ള ആരോഗ്യപ്രശ്നങ്ങൾ സാധാരണ നിലയിലായില്ലെങ്കിലും ഏറെ മെച്ചപ്പെട്ടു.
രക്തത്തിലെ ഓക്സിജ‍െൻറ അളവും രക്തസമ്മർദവും ഹൃദയമിടിപ്പുമെല്ലാം സാധാരണ നിലയിലാണ്. ഭക്ഷണം കഴിക്കാവുന്ന നിലയിലാണ്. ആരോഗ്യസ്ഥിതി വഷളായതിനെ തുടർന്നാണ് ഡോക്ടർമാരുടെ നിർദേശപ്രകാരം ബുദ്ധദേബിനെ ആശുപത്രിയിലേക്ക് മാറ്റിയത്.
ബുദ്ധദേബ് ഭട്ടാചാര്യക്കും ഭാര്യ മീരക്കും മേയ് 17നാണ് കോവിഡ് സ്ഥിരീകരിച്ചത്. ഒരാഴ്ചയായി പാം അവന്യൂവിലെ വീട്ടില്‍ ചികിത്സയിലായിരുന്നു. അതിനിടെ, ഭാര്യ മീരക്ക് തിങ്കളാഴ്ച കോവിഡ് നെഗറ്റിവ് ആയതോടെ പിന്നീട് വീട്ടിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.