ശ്രീനഗർ: കശ്മീരിലെ ഉധംപൂരിൽ സൈന്യവും ഭീകരരും തമ്മിലുണ്ടായ ഏറ്റുമുട്ടലിൽ നാല് ഭീകരർ കൊല്ലപ്പെട്ടു. ട്രക്കിൽ ശ്രീനഗറിലേക് കടക്കാൻ ശ്രമിച്ച ഭീകരരെയാണ് സൈന്യം വധിച്ചത്. ടോൾ പ്ലാസയിൽ ഭീകരർ സഞ്ചരിച്ച ട്രക്ക് സൈന്യം തടയുകയായിരുന്നു.
തുടർന്ന് ട്രക്കിൽ പരിശോധന നടത്തുന്നതിനിടെ ഭീകരർ സൈന്യത്തിന് നേരെ വെടിയുതിർത്തു. സൈന്യം നടത്തിയ പ്രത്യാക്രമണത്തിലാണ് നാല് ഭീകരർ കൊല്ലപ്പെട്ടതെന്നും ജമ്മുകശ്മീർ പൊലീസ് അറിയിച്ചു. ട്രക്കിനുള്ളിൽ രഹസ്യ അറയുണ്ടാക്കി അതിനുള്ളിലാണ് ഭീകരർ ഒളിച്ചിരുന്നതെന്നും അധികൃതർ വ്യക്തമാക്കിയിട്ടുണ്ട്.
ഏറ്റുമുട്ടലിനെ തുടർന്ന് പ്രദേശത്ത് രണ്ട് മണിക്കൂർ ഗതാഗത തടസമുണ്ടായി. കൂടുതൽ ഭീകരർക്കായി തെരച്ചിൽ ആരംഭിച്ചുവെന്നും സൈന്യം അറിയിച്ചു. ജനുവരി 31ന് നടന്ന സമാനരീതിയിലുള്ള ഏറ്റുമുട്ടലിൽ സൈന്യം മൂന്ന് ഭീകരരെ വധിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.