മുംബൈ: വെള്ളപ്പൊക്ക കെടുതി രൂക്ഷമായ മുംബൈയിൽ ബി.എം.സി (ബൃഹൻ മുംബൈ മുനിസിപ്പൽ കോർപേറഷൻ) സർക്കാറിനെതിരെ വിമർശനം ശക്തമായതോടെ പ്രതികരണവുമായി ശിവസേന.
അമേരിക്കയിലെ ഹ്യൂസ്റ്റണിലും ടെക്സസിലും വെള്ളപ്പൊക്കമുണ്ടായിട്ടുണ്ടെന്നും അവിടെ ശിവസേനയല്ല ഭരിക്കുന്നതെന്നും പാർട്ടി മുഖപത്രമായ സാമ്നയിൽ പറഞ്ഞു.
ഗുജറാത്തിലും ബിഹാറിലും അസമിലും മഴക്കെടുതിയും പ്രളയവുമുണ്ടായപ്പോൾ മാധ്യമപ്രവർത്തകർ എന്ത് കൊണ്ടാണ് അന്ന് സർക്കാറുകളെ കുറ്റപ്പെടുത്താതിരുന്നതെന്നും ലേഖനത്തിൽ ചോദിച്ചു. മറ്റു സംസ്ഥാനങ്ങിൽ നടന്ന വെള്ളപ്പൊക്കത്തിലും മഴയിലും മരിച്ചത് 213 പേരാണ്. മുംബൈയിലെ മഴയും രാജ്യത്തിന്റെ മറ്റു ഭാഗങ്ങളിലെ മഴയും തമ്മിൽ വ്യത്യാസമില്ല. രക്ഷാപ്രവർത്തനവും സഹായവുമായി എല്ലാവരും മുന്നിട്ടിറങ്ങണമെന്നും ലേഖനത്തിൽ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.